泰國的飲食

泰國的飲食比起香港食泰菜平很多，金邊粉一個也只是18蚊左右，船麵一碗只是15蚊，而海南雞飯只是13蚊，一碗雲吞麵只是18蚊，一杯沙冰14蚊，價錢卻比起一個正餐的炒粉麵要貴，在香港，1杯飲品的價錢很少會比正餐昂貴，即使是手搖，最貴也只是30幾蚊，所以沙冰相當於在香港叫一杯特飲。

飲品方面選擇不多，大多都是水果的沙冰或者泰式奶茶咖啡，泰奶的味道因人而異，我是不太喜歡，茶類飲品不多，大部份都是加了糖的水果沙冰，對於不太喜歡甜飲的我而言選擇不多。

香港吃串燒很貴，但曼谷隨處都有串燒，價值便宜得很，普通份量大約4蚊一串，大串大約10幾蚊港幣，也比起香港平很多。

在曼谷幾天，不停吃串燒，飲沙冰，然後就是金邊粉，金邊粉味道不錯，和香港相若，炒飯鑊氣不是十分足夠，偶有佳作，冬蔭功好味，但飲得多喉嚨痛，魚蛋河魚蛋好細粒，比起潮汕魚蛋只能說是充飢。

海南雞飯特別難食，之前香港水門雞飯已見粉紅色雞肉，覺得一般，以為去到泰國會吃到出色雞飯，怎料雞肉又霉又鞋，而且油飯味道也很淡，加上沒有特別醬汁點雞，也沒有薑蓉，顏色也比較暗，但有許多港人排隊打卡，非常奇怪。

豬頸肉太厚，比起香港難食，唔脆，可能是炭火燒的關係吧，太太不太喜歡。

豬肉丸很普通，點完辣醬還可以，但很多人排隊。

泰式雲吞的味道也很怪，很多肉，但肉味不太突出，中國餃子仍是世一。

泰式奄列極咸，可能加得太多魚露，另外也很多油，香港的芙蓉蛋完勝。

唯一好吃的就是雪糕，每一間都好好吃。

總的來說，泰國地道餐廳只能說是充飢，談不上美食，反而香港的地道餐廳可能吃慣了，選擇比較多，而且部份質素不錯。我覺得金邊粉是不錯的，船麵價值超平，冇投訴，但普遍調味比較重，吃多幾餐自然會覺得膩，想念港式食物。

曼谷物價及下次旅行要注意的事

物價方面:

1. 恤衫平香港一半。

2. 喉糖平香港一半。

3. 燕窩平香港50蚊。

4. 木製廚具平香港一半。香港要150蚊，曼谷40幾蚊。

5. 短褲85蚊，平香港100蚊。

6. MLB TEE平香港68%，香港265蚊一件，曼谷85蚊件。

下次曼谷旅行要注意的事: 

1. 電話卡香港買平一半。

2. 按摩店只選大型連鎖不選街邊店。

曼谷按摩中伏心得

試左4次按摩，我覺得只有最後一次係舒服，其他都係麻麻甚至唔舒服。

1. Suthathip Massage: 呢間腳底按摩性價比高，價錢實惠，只需要350蚊泰銖，太太表示按得幾舒服，真係放鬆到，拉筋拉得中佢想既位置，但我覺得泰式腳底按摩成日都按小腿，腳掌很少按，力度亦不是十分大，但這個技師會附加少少頭肩頸，我不太喜歡，我鍾意淨係腳掌的穴位按摩。

2. Chan's Spa: 這間店位於The Sense Pinklao，我選擇了腳底按摩，首先佢張座椅坐得很不舒服，是木條椅，仲要打斜，令屁股不太舒服，而且客人很少，我是為了等Copper自助餐才光顧打發時間，仍是按小腿，甚至我覺得她根本不懂得腳底按摩，都是挰下腳指就完事，跟我自己按沒有太大分別，極度中伏的按摩店，盛惠350蚊泰銖。

3. Love Massage: 我都唔記得係咪呢個名，總之係ICONSIAM低下停車場的按摩店，呢間我地選擇頭部按摩，完全係痛苦的體驗，磨擦自己的頭髮，比起大陸頭療真係差好遠，仲要包肩頸，按得時候係躺在椅上技師用手插落背部，好唔舒服，完全唔會想去第二次，甚至令我都嬲嬲地，用死力，根本就唔識得按摩，不過或者係泰國頭部按摩都係呢個方式都未定，完全唔建議做。

4. Let's Relax: 比貴少少最後一日去呢間，有野食，腳底按摩有好大張可以升高既椅，技師有料，好少按小腿位，有音樂同香味，太太做左個SPA成個人都鬆曬，浪費左3次按摩機會，下次只會去Let's Relax，之前網上表示街店有好野，我親身驗證過好多都係伏，技師冇技術，亦都冇心機按。

但以上所有都不用付小費，這點是不錯的。

泰國曼谷旅行

泰國旅行

2024年12月18日: 首先我哋喺M記食咗個早餐，飛到泰國之後就去買電話卡，之後就call車去酒店。去到酒店之後放低行李，行咗一圈七仔，之後步行去Nana地鐵站，然後搭去si lom站，之後唱錢2000蚊港紙，得到8700蚊，然後我哋去咗Central world行咗陣。

之後就決定去睇吓copper自助餐，但係太貴，所以決定食food court，弟弟叫咗雲吞麵正常質素，我叫咗個海南雞飯好難食，價錢12.6，雲吞麵價錢係18.5，所以冇得投訴，之後太太買咗杯芒果沙冰。

食完之後我哋就行Central world，太太買咗泰國奶茶天花板價值$85，我買咗把木製嘅煮食用具58蚊，然後我哋就繼續行，之後係big c買左兩件衫，每件$90蚊，同埋買咗包喉糖59蚊。

之後我哋就行完big c去決定去按摩，太太揀咗全身按摩，我揀咗腳底按摩，太太表示全身按摩好舒服，我覺得腳底按摩一般，每人按摩$80，非常抵，仲平過大陸。

按摩完就決定去食水門雞飯，順便睇吓lets relax幾多錢，原來都好貴，太太表示水門雞飯好難食，而且叫一杯嘢飲就夠，我覺得苦瓜湯還可以，$67嘅晚餐，水門雞飯只係$15，其實佢根本就唔係海南雞飯，唔怪得知咁難食。

食完水門雞飯之後，我哋就搭篤篤去jodd fair，去到之後我哋就買嘢食，我買咗串燒，串燒有啲韌，但係幾好食，雪糕係非常好食，雞肉串燒$15，仲有橙汁一杯不過太太話好酸，之後我哋又搭返車返酒店。

2024年12月19日: 我哋首先起身我去酒店食早餐，食完就call車去影泰服，之後就食埋街邊lunch，之後去參觀死亡博物館，然後再搭返去自助餐個商場sense，之後去咗按摩chan spa，按得唔舒服，然後行去隔離嘅Central Plaza行街，之後去食自助餐好好食，食完之後就搭車返去酒店樓下七仔，買少少嘢之後上去瞓覺。

2024年12月20日: 今日遲咗起身，俾太太累死，搞到冇得食酒店早餐，梳洗完畢之後我哋就直接搭的士去iconsiam，$300但係iconsiam，去到之後就即刻去food court掃街，做完之後就繼續行街，然後買少少手信，之後攰攰哋落咗去地下停車場嗰層按摩，但係我覺得非常之唔舒服嘅頭部按摩，屙完之後就上返去，行咗陣之後就決定搭船去河濱碼頭夜市，到咗河北碼頭夜市之後就決定搵個food court食嘢，食咗一個菠蘿炒飯，摩天輪太貴，冇，去搭，然後就去big c掃貨，之後拎住一抽嘢就係搭篤篤返酒店，之後鋪晒啲嘢喺酒店床上面點算然後瞓覺。

2024年12月21日: 今日起身落酒店食早餐，之後就喺樓下截的士去Safari world，死都企硬$400最後有的是肯接，仲要唔揀高速減返普通路唔使修多高速費用，全靠太太。去到Safari world之後首先喺Marine park入面行，睇咗大象表演，之後去咗搭River Safari，幾好玩，太太表示害怕，然後我哋就去食嘢，自助餐極度難食，日式炒飯搞唔掂，魚蛋亦都冇咩味，唯一正常係薩莉亞味意粉，仲要冇嘢飲，早知唔加自助餐錢出去食burger，食完之後就去咗搭Safari Coach，睇老虎，睇到太太瞓着咗，落車之後我哋去咗睇海獅表演，然後再去返海牛館度坐，等的士嚟，就坐咗一個鐘傾偈。

上左的士之後就出發去翟道翟瞓到我哋兩個黐咗線，去到翟道翟發現都幾多衫啱睇，唔知正牌定假嘢，太太成功買到一對涼鞋，之後我想買Cardigan嘅時候太太睇啱咗個卡套表示好開心，我想想買件衫但係冇錢，最後搵到找換店唱錢，然後行返去買條短褲，我覺得有少少貴，不過質地好似唔錯，買完之後我哋就諗住坐篤篤，最後行錯路決定搭地鐵去食船麵一條街，去到victory Monument，見到有個商場有好多名牌T恤賣，我自己買咗件MLB嘅T恤，然後諗住行去船麵一條街，點知太太又行錯路去左暗街，最後去到嘅時候發覺已經閂門，唯有行返去一開始個商場嘅外面食炭燒火鍋。

而家係泰國嘅涼季，臨近聖誕都有幾多裝飾，睇睇呢個瓦煲炭燒火鍋嘅建議非常好，兩口子路邊食充滿泰國嘅風味，有兩個阿伯路過都問我地辣唔辣，個冬陰功醬汁好好味，辣到好爽，湯底係淡淡普通牛肉湯底，食左好多日冬蔭功既太太表示呢個湯底好正，配料方面一個邊爐都包唔少料，但我地食完都加左幾次料，埋單768蚊泰銖，好味又抵食，街邊食幾大煙都無所謂，燒到無炭加繼續換炭再打，本身諗住商場搞掂但太夜好多都關門，搵到呢間好野真係正，連埋cooper係曼谷旅行最大的驚喜！夜晚的曼谷幾清涼，打邊爐都唔覺得熱，而且無人爭位但又幾熱鬧，無限時慢慢食，太太表示氣氛很好，錯有錯著，但最重要係有一個願意陪我街邊打邊爐的太太，埋單仲要計少咗我哋$59嘅蝦。

今次酒店book左係素坤逸，完全係曼谷蘭桂坊，半夜都好多車好熱鬧，勁多酒吧好多鬼佬，日日都不夜天，反而其他地方比較靜，所以呢次完全感受到曼谷既活力。

2024年12月22日： 今朝起身落去酒店食早餐之後執好晒嘢就將行李寄托喺櫃檯counter然之後行去Lets relax按摩太太表示按摩非常舒服之後去隔離食泰式餐廳然之後返酒店攞行李之後搭的士去機場。

《終站佛寺．就像那塵土飄散隨著風向》

最後一晚響曼谷，峰爺訓左，我地4個就徒步行去最近的7仔掃手信。

第二日，一場黎到曼谷，點可以唔參觀大皇宮同埋臥佛寺呢？畢竟泰國最出名的廟宇群。

朝早去唔難，我地由Makkasan Station搭去Hua Lamphong，沿住一條藍色線由頭搭到尾，響總站外面叫的士，輕鬆。

去到大皇宮都唔算多人，排下隊買飛就可以入去，但裡面好多唔同遊客，主要係大陸遊客，多到好難影到相。

但係廟宇建築好華麗，而且數量好多，都幾誇張，仲有吳哥窟的模型，不過好多都係得外面可以睇下影下相，裡面可以參觀的廟宇就真係唔係咁多。

玉佛寺的璧畫。

吳哥窟模型。

好靚。

當中最靚真係玉佛寺大雄寶殿外面的璧畫，畫得好精細，雖然我都唔係好明佢畫咩，好似係佛祖的故事。

仲有舍利塔同埋藏經閣，外面的雕飾都好華麗，但可惜大部份人都係影完相就走，其實企耐D望下就會覺得好壯觀，因為所以細節都好清楚。

可惜時間無多，仲要趕住去下一間，驚趕唔切飛機。

下一站，臥佛寺!

臥佛寺我自己反而比較鍾意，因為基本上冇咩人，而且有好多庭園可以抖下，唔錯。

可惜星爺一去到就急屎，ALL左好耐，我地唯有響門口等，臥佛寺屙屎，笑死。

之後我地一齊去裡面行，其實臥佛寺最正的地方就係呢有好多廟都可以比人去裡面參拜，而且仲可以影相，覺得好正。

我都拜左兩拜，靜靜的環境，舒服。當然最重要當然係要搵到臥佛去影下啦。

臥佛好大座，橫臥左響廟裡面，每個位都只睇到佢少少，幾有趣。

去完臥佛寺，我地就決定把握最後的時間去埋金佛寺，事緣偉哥話個度有佛牌買。

去到金佛寺，我地都冇咩點樣參觀，直接去睇佛牌，但都唔係好合心意，突然有個講廣東話的人叫我地跟佢去一個地方，係一個細房，裡面原來仲有D更加名貴但唔會放出黎的佛牌。

有古老佛牌、掩面佛，最貴要成幾萬蚊，最平就7000蚊都可以買到，法力不一。

可惜最後偉哥都係冇揀到，我地行返出黎，然後就決定搭的士返去酒店預備check out。

去到酒店，食埋酒店個午餐，之後我地就出發去機場，一切順利，唯一就係final call的時候峰爺偉哥仲去食煙，要型冇計，好彩最後都順利起飛，結束今次的旅程。

《拉差達．感動總不遠 也許下一秒盛放》

好啦，睇完河濱，我地一行5人兵分兩路，偉哥峰爺另有節目，我地3個就決定去拉差達食多次野同埋睇下有冇咩買。

去到拉差達，星爺成功買左隻錶，文青。我呢就冇咩要買了，都係食為主，再食串燒同埋麵，仲有就飲下野咁，因為的確幾好味。

之後我地3個行去停車場個面，真係冇咩人，唯有徒步行上3樓，一望出外面，嘩，拉差達個夜景好靚，好震撼，我都叫左一聲。

響停車場上面可以望到拉差達火車夜市數百個五顏六色的攤檔，而且燈火通明，真係好正，有種不期而遇的感覺，上次落雨睇唔到的美景終於展現在眼前。

市區的繁華同停車場的冷清形成左一種微妙的對比，大地在我腳下，此刻無價。

有咩爽得過對住停車場外面大叫「偉哥食屎」呢？大快人心，好多悶氣都一吐而盡。

我覺得呢個應該係曼谷最美夜景，難得2015年底先開幕，夜市都係比較新同埋乾淨，而且交通極度發達，火車站旁邊，有咩落雨又可以走去旁邊商場避雨，唔錯!

《考山路報失．寧願滯留在此處》

行去考山路市集路程唔算好長，好快就到，感覺似係深水埗同女人街的感覺，賣下衫同袋之類。

同行旅伴星爺買左個背包，我就未睇到有咩想買，佢地都買左少少明信片之類。

最後我都買左個椰青飲，不過太少，飲幾啖就冇左。

之後呢星爺口渴就去左7仔買野飲，我就同峰爺等的士，準備搭去河濱碼頭夜市再行下。

點知佢返黎就話銀包冇左，眾人大驚，一齊走返去搵，後尾有個鬼婆比番個銀包佢，但裡面的錢已經冇左。

咁我地就去差館打算報失，好彩差館竟然響7仔對面，第一次響泰國差館搞報失。偉哥佢地3個就走出去睇下追唔追到個賊，服! 鬼會搵到咩哈。

差佬睇番D閉路電視，見到有個鬼佬拎左個銀包裡面D錢走，差佬仲叫左響市集行緊街的鬼婆同佢拎D資料，等左一個鐘就搞掂份report。

難得錄到口供，我地就同警察影返張相留念，其實佢地都幾做得野，不過D制服就比較奇怪。

今次經驗，下次買野唔好將銀包放收銀枱面，原來都幾危險下，好彩我自己有個小背包。

虛驚一場，決定去河濱度玩下輕鬆下，峰爺自己行下，我就同星爺買下衫褲之類，後來我仲自己一個去玩摩天輪。

感覺上河濱個摩天輪比較舊，玻璃唔多乾淨，令到影出來的相都濛濛地，夜景都係一般，冇咩特別的感覺，日本天保山摩天輪正好多。

落返黎之後會合偉哥，佢話要買D 5個人的紀念品，搵條友刻左個木牌比我地每人，都幾靚，我都刻左幾個比細妹們，yeah!

《瑪哈拉碼頭．我也不是大無畏》

第二日一早就搭返的士去曼谷，又去返同一間酒店check in，但係奇怪的事情又發生，竟然要加成幾千泰銖!

原來酒店佢地用左我地後日的booking去頂之前的booking，即係今晚係冇房住，要住就要重新比錢。我都覺得上次5個人幾百泰銖咁平，原來只係行政手續費。

咁無計啦，唯有照比，好彩個酒店服務員都聽得明我講緊D咩，輕鬆!

上酒店放低行李之後，我地就去瑪哈拉碼頭文青市集食午餐順便行下。

去到瑪哈拉碼頭文青市集，其實都未搵食咩，見到又係另一間Savoey，就決定食呢間，結果我地發覺餐牌同之前市中心食個一間完全唔同，而且好味勁多，個冬陰功湯都好好飲，有驚喜，覺得都幾開心。

食完野就開始向前行，點知慘事就發生啦，原來呢呢個瑪哈拉碼頭文青市集，係極細，我地一開始就已經行錯路啦，行左去旁邊的市集。

可惜旁邊根本唔係文青市集，而係著名的泰國佛牌街他巴沾，好亂好多佛牌，而且俊宏聲稱去到佛牌街覺得有種唔舒服的感覺，偉哥又話好似比人推住黎行。

我靈力比較低，冇咩特別感覺，但係奇怪的是竟然一張相都冇影到，係有少少陰森的感覺，但日光日白都可以頂到的，只係我冇咩興趣行佛牌街姐，始終都唔係一個好乾淨的地方。

出左佛牌街，發現原來文青市集就係頭先餐廳Savoey的樓上，實際上係一個天台，有少少裝飾比你影下河邊的景色咁，天色唔算特別好，但係都心情都唔錯。

所以旅遊書未必對，文青市集其實只係一個類似鴨寮街的佛牌市場似的。

去完瑪哈拉碼頭文青市集，下一站我地決定步行去考山路市場，中間坐低左響一間飲料店飲下果汁。