1. 上海回鍋肉就配豆乾和椰菜，四川回鍋肉則是配尖椒與蒜苗。
2. 滬式回鍋肉會用甜麵醬(北京填鴨醬)、川式用豆瓣醬。
3. 鎮江肴肉係豬蹄，佛山有記燻蹄比較好吃。
4. 女兒紅醉雞即是花雕醉雞。
5. 上海排骨即是炸豬扒。
6. 原來上海根本沒有上海粗炒，是香港的一道地道菜。
開平珠海餐廳
駙馬靈芝雞
土窯雞是活雞，幾有嚼勁，肉質富有彈性，太太喜歡活雞的味道。香菇雞絲煲仔飯，加入靈芝的顏色變成紫色，雖然我唔知雞食靈芝係咪正常，但煲仔飯味道都幾好食。豆角茄子，外父表示豆角靚，但好似比香港食得要軟身，我鍾意硬身少少。蟹皇粉絲煲，好食，但好飽肚，呢間農家菜所有菜式份量奇多，結果我有1/3食物要打包走。
富利港海鮮酒樓
自己到白藤頭海鮮街買海鮮再搵餐廳加工，成餐飯加多左個米粉同可樂只係108蚊RMB，食材大約200RMB，好抵就食到一餐海鮮，米粉冇得輸，好食，至於海鮮方面，蟶子仔唔掂，冇咩咬口，唔夠鮮甜，墨魚仔同蝦令人有驚喜，質素唔錯，令我覺得大陸食海鮮係睇下食咩類型，食唔啱類型會令你好失望。
4人遊好多樂趣，食野選擇多好方便，偶然來一日快閃大灣區令人有種旅行的放鬆，同時又有少許獨特的體驗。
《繁樓VS香港酒樓》
根據我對於兩地飲茶的了解，內地茶位平過香港一半，燒賣大粒好味D，同時乾炒牛河平一半，粉果係香港好食D，脆皮腸內地的紅米做得不錯，鳳爪其實香港食會平D好食D，但內地份量會多D，艇仔粥香港好似足料少少，會落D豬皮，叉燒包內地唔算平太多，但唔好食，醬汁出事，乳鴿感覺上內地好食少少，價錢可能貴過香港，但大陸由於免加一，整體黎講都係平香港30%。
至於呢30%，即係大約90蚊，每人30蚊，其實搭上深圳灣都要來回20蚊，連埋內地的士錢分分鐘仲貴過香港，如果唔搭的士可能都打個和，但除左貪平貴以外，了解下兩地物價差異同埋味道上高低都不失為假日一件趣事，盲目話是但一面好都未必啱曬。
比我下次，都係寧願比貴少少食香港有質素酒樓同外父飲茶。
《大馬站煲》
大馬站，又稱大馬站煲，是一道廣東菜，為一種材料包括火腩、豆腐、薑片及蝦醬的煲仔菜，故又名豆腐火腩煲。
大馬站的名稱起源於清朝光緒年間，當時兩廣總督張之洞巡經廣州一處名為大馬站的地方，看到當地驛夫、苦力的午飯為一道煲仔菜，張之洞便派下屬查問菜名，但下屬是北方人，不諳粵語，苦力以為是問路便回答「大馬站」，下屬亦以此覆命。此後張之洞命家廚複製，從此此被定名為大馬站。
原來平日鍾情既豆腐火腩煲有另外一個名，正！元朗新華記。
《香港客家菜 vs 深圳客家菜》
去深圳食客家本色，好鍾意食客家菜，發現質素味道都不錯。
客家菜比較出名的菜式，香港很少餐廳可以有得食，價錢比較昂貴，深圳比較多選擇。
1. 梅菜扣肉／客家炆豬肉 ($50)客家好棧：＄88
連泰食府：＄80
花萼樓：＄138
醉瓊樓：＄128
東江客家小廚：＄80
泉章居：＄128
客家人：＄128
3. 客家煎釀豆腐 (內地餐廳客家本色：$25)
客家好棧：＄70
花萼樓：＄128
醉瓊樓：＄98
泉章居：＄108
客家人：＄108
客家咸雞 (內地餐廳客家本色：＄76）
連泰食府：＄218
花萼樓：＄228
醉瓊樓：＄160
東江客家小廚：＄88
泉章居：＄154
客家人：＄138
豬肉湯： (內地餐廳客家本色：＄20)
花萼樓：＄138
泉章居：＄108
客家人：＄168
客家炒飯： (內地餐廳客家本色：＄30）
泉章居：＄138
客家人：＄98
深圳客家菜的菜式價錢
1. 雞湯笋絲：＄40
2. 客家河魚平：＄40
3. 客家釀苦瓜煲：＄50
4. 客家腌牛柏葉：＄56
5. 客味茄子豆角：＄30
6. 生態熊貓笋：＄47
7. 客家豬手：＄70
8. 菜乾煲：＄50
9. 童年的水蛋：＄20
10. 有機蕃薯葉：＄30
11. 客家炒飯：＄30
《深圳丨花滿庭烤鴨》
按摩完後我地想食晚餐，我地決定由福民站行去會展中心食片皮鴨，由於按完腳想行一陣，於是出發之後望到平安國際金融中心發覺都幾近，諗住行到去先去附近既會展中心，點知原來係勁遠，去到已經9點，仲要唔近會展中心，於是我地決定放棄，就食花滿庭的片皮鴨。
可惜呢間餐廳令人失望，片皮鴨得返一隻，味道都普通，再加上椒鹽鴨架太乾身，令我地覺得加多50蚊既一食非常唔抵，另外係冇生煎包，所有麵食炒飯都冇曬，我地只能叫一個蟹湯同埋豬肉鴨腎湯，味道係好味的，但冇主食始終食幾多片皮鴨都有種奇怪的感覺，堆單657蚊港幣。
食完之後打算返香港，去到福田口岸站，發覺前面係湯崎，心諗一場黎到就去睇下幾多錢，睇完之後就返去福田口岸站，發覺該站已經關閉，原來1030就會關，之後我地馬上搭地鐵去羅湖，但上車後發覺1127係最後一班，我地要1123先到羅湖站，連埋過關排隊應該趕唔到，於是我地出福民站，又去返東方園既位置搭的士，用10蚊去皇崗口岸附近再行去過關，過關之後搭大巴返香港，完成呢日既旅程。
《深圳丨深業上城丨冬瓜嶺站》
今日1230係落馬洲往福田站出發，過關都唔算太多人。
1. 交通：首先我地搭地鐵要由福田口岸站去深業上城，我地搭4號紅色線由福田口岸站往牛湖方向，去到少年宮站，然後再轉乘3號藍色線往雙龍方向，搭一個站去蓮花村站再轉10號粉紅色線往雙擁方向，搭一個站就到達冬瓜嶺站。
女朋友問點解要叫冬瓜嶺站呢？其實因為以前呢度有條村叫冬瓜嶺村，後來各省既人湧去深圳打工，呢度搭左好多屋，之後1998年拆遷左之後起左彩田村，慢慢就有彩田路，變成一個比較繁華既地區，深業上城係福田北最大型既商場，走中上路，我地今次去睇下係點既商場。
編者按：其實唔洗轉3次地鐵，本來10號粉紅色線既起點就係福田口岸站，即係只需要由福田口岸站直接向雙擁方向搭到去冬瓜嶺站就可以，兜兜轉轉追追趕趕浪費體力。
編者按：其實唔洗轉3次地鐵，本來10號粉紅色線既起點就係福田口岸站，即係只需要由福田口岸站直接向雙擁方向搭到去冬瓜嶺站就可以，兜兜轉轉追追趕趕浪費體力。
到達冬瓜嶺站地下已經可以直通深業上城，地下通道是用木地板的，感覺格調比較高，跟其他商場有少許分別，我地先去食野，見到1樓有幾間餐廳都不錯，分別是客語，辣可可，鳳凰椰子雞等等，分別拎左飛，最後辣可可最快有位，於是就食辣可可。
辣可可主打現炒黃牛肉，係一間專食牛肉的餐廳，點解要叫黃牛肉唔叫紅牛肉呢？
原來係因為食材係源自湘西秦川黃牛，係一種爬坡性強的牛隻，肉質比較有咬口，換言之呢間係一間湘菜，即係湖南菜的餐廳。湖南菜都係有辣的菜系，我地叫左現炒黃牛肉($69)、麻辣燙鮮豬血($29)、蓮耦湯及小扣肉。現炒黃牛肉其實即係指天椒炒牛肉，簡單但好好味，送飯一流，據講只係用30秒炒牛肉令牛肉爽滑唔會太鞋太韌，餐廳比左個電飯煲我地自己裝飯，個飯勺好好用，不過我地發現佢地係冇洗米就咁倒米落電飯煲煮飯，比較軟身。
至於豬紅唔辣，薄得黎好易夾得起，好味，蓮耦湯色水比較鮮艷，亦是不錯，至於扣肉其實即係肥豬肉，係片到好薄既肥豬肉，非常適合送飯。可惜現炒黃牛肉太辣，我地叫左一支15蚊大可樂，1.25升，飲凍可樂食辣野非常痛快，簡單。發覺米飯也幾好吃，網上說是黑龍江的五常大米稻花香，跟太二所用的五常大米差不多，我也不知道有甚麼分別，埋單201蚊，非常抵食。
相比起昨天在將軍澳吃的謝謝儂，一碟蔥爆牛仔肉要92蚊，味道普通，牛肉也比較少，就會自然覺得這個現炒黃牛肉只需要69蚊比較價錢味道均完勝，相差3成價錢。呢間餐廳主打容易送飯既菜，的確每道菜都好容易送白飯，仲要每桌都有一個電飯煲自己裝飯，不用加錢再叫飯都幾貼心。搭車途中都見到好多現炒黃牛肉的新品牌宣傳，或者係呢幾年冒起的受歡迎菜式。
食完野之後我地就去試玩左蔚來汽車nio同睇下理想汽車，發覺都幾先進，車子有按摩功能，再行下老佛爺百貨，據說係華南首間來自巴黎的百貨公司，但品牌我完全未聽過，之後我地行下超市睇水果同埋買左支奈雪之茶，本身想買杯手搖鴨屎綠檸檬茶，但發現原來支裝只係5蚊，手搖卻要16蚊，忽然覺得支裝好抵，女朋友做對了決定，味道不錯，甜甜地又解渴。
我地上左頂樓睇深業上城的歐陸小鎮，其實就是一些開在頂樓的食店，建築物風格顏色比較豐富而且不對稱，有歐陸小鎮的感覺嗎？據說是參考荷蘭風格派畫家蒙特里安的《紅、黃、藍與黑色欄杆》而興建的，拍照是不錯的，難怪成為網紅打卡位，香港也有一個公屋屋苑向蒙特里安這幅作品致敬，就是火炭駿洋邨，其實這種風格即係有橙色同黃色的格仔既建築，但陽光太猛烈係頂樓行好易出汗，難怪餐廳人流亦不是很多，或許夜晚會比較受歡迎，裡頭有聯合出版的一所書店在開座談會講香港文化，賣的書跟香港的三聯書店差不多，同一個品牌。
回到商場，找不到g jump這個兒童樂園，最後發現原來在剛才餐廳附近，200幾蚊可以任玩彈床遊戲，非常適合小朋友，睇完之後我地決定離開，出發去文和友。
《廣州之旅．沒有這件事 妨礙我們》
放逐自己一日返大陸，事關大妹公司有一晚免費酒店住，於是跟佢上去參觀。
先搭車去大圍，然後9點半左右就搭旅遊巴去深圳灣，之後過左關就搭去廣州天河城，沿途平行時空，冇任何特別事情發生，十分順利。
到達天河城係下午一點，全程用左3個半鐘 ，來回價錢只係180蚊，平過搭火車，火車返廣州來回要420蚊。
放低行李之後就去左點都德飲茶，去酒店做個腳底按摩之後入夜就去左廣州塔，發覺太多人排隊上去，就行去江邊睇下，之後就搭車去北京路，去仰忠匯的小炳勝食夜晚飯，然後散步一會就搭的士返酒店。
廣州塔
之後去小炳勝食晚飯。
秘製黑叉燒。
炒秋葵。
蟹黃銀絲餅。
咸檸檬炒飯。
第二日，我地去食山東人家。
片皮鴨。
之後搭的士去行白雲山，搭纜車上摩星嶺，然後行返落山，於大金鐘路出返柯子嶺門，石楷修建整齊，好易行，山水之樂。唔洗帶水都可以行上山再落返山，反而碑林冇咩特別。
最後食客語，好味客家菜。6點半搭旅遊巴返港，10點到達大圍。
先搭車去大圍，然後9點半左右就搭旅遊巴去深圳灣，之後過左關就搭去廣州天河城，沿途平行時空，冇任何特別事情發生，十分順利。
到達天河城係下午一點，全程用左3個半鐘 ，來回價錢只係180蚊，平過搭火車，火車返廣州來回要420蚊。
放低行李之後就去左點都德飲茶，去酒店做個腳底按摩之後入夜就去左廣州塔，發覺太多人排隊上去，就行去江邊睇下，之後就搭車去北京路，去仰忠匯的小炳勝食夜晚飯，然後散步一會就搭的士返酒店。
廣州塔
之後去小炳勝食晚飯。
秘製黑叉燒。
炒秋葵。
蟹黃銀絲餅。
咸檸檬炒飯。
第二日，我地去食山東人家。
山東餃子。
茼蒿。
片皮鴨。
之後搭的士去行白雲山，搭纜車上摩星嶺，然後行返落山，於大金鐘路出返柯子嶺門，石楷修建整齊，好易行，山水之樂。唔洗帶水都可以行上山再落返山，反而碑林冇咩特別。
最後食客語，好味客家菜。6點半搭旅遊巴返港，10點到達大圍。
訂閱：
文章 (Atom)