《薩爾斯堡．人無法走過每天 為求沒有帶著遺憾活到終點》

好不容易過左一日冇wifi的小鎮生活，我又搭返車出去，順便買多張新上網卡，旅程只剩下10日左右，所以更加要好好把握。

出返黎Salzburg，我就馬上去一間台灣人開的旅館放下行李，見到台灣人有種熟悉的感覺，房間唔算好靚，未去到酒店級數，但簡簡單單，燈火通明，早餐都可以接受。

不過我覺得歐洲人實在太慘，早餐只得芝士同火腿，煉奶麥片，中式早餐就多選擇好多，都係香港好。

先在市內遊一圈先，莫扎特故居，好似要買飛，但我跟人上去，冇人攔我，就慳返D錢哈。

呢部係佢拉過的小提琴同彈過的鋼琴。

跟住黎到鎖橋，其實之前都唔知呢度竟然有道咁多鎖的橋，都幾意外，法國個條鎖橋已經拆左，我始終覺得，城市係應該多少少呢D浪漫的景點先有氣氛。

城市的河流。

路經商店，見到好多天主教的玩意，都幾得意。

後來行到黎一座建築，裡面都有唔少薩爾斯堡的歷史可以看。

行上去可以望到一個大廣場。

仲有一座大教堂。

再繼續向前走。

走到高處，望向薩爾茨河。

其實薩爾斯堡都係一個幾典型的歐洲城市，城市景唔錯，但係就少左一D令人難忘的事。

行完去車站附近餐廳食埋餐，叫杯啤酒，幾好飲，有風味。

薯條腸仔，最頹最平的配搭，薯條不及香港好味，但係腸仔就好好味。

返去酒店休息，幾好訓。點解我會揀左黎呢度，除左因為維也納太遠之外，當年做野曾經比老細問過呢個地方響邊，而我又真係唔係好熟，所以今次黎呢度都叫還左個心願。

不過下次真係唔會黎，因為都好多遊客，幾得好商業化，可能因為太多莫扎特啦。

聽日會去慕尼黑達豪集中營參觀，留番D力，因為呢個係今次旅行其中一個好想去的地方，下篇待續~

《登山．活著是為了像蝴蝶來又去》

響小鎮行左咁耐，諗緊其實仲有冇其他唔洗錢的地方可以去，因為鹽洞觀光又要花費，今日又唔想洗咁多，自從瑞士之後覺得好似洗多左，所以盡量想搵D抵玩的地方。

我向小鎮屋群上面行，見到有條樓梯，冇人行，就行上去，行行下就上到小鎮頂部，原來上面係一條馬路黎，有埋紅綠燈，明明小鎮就冇咩車，屋又古色古香，一見到馬路又覺得好似番左黎現代，上面仲有條瀑布，我諗冇咩人會走黎呢度，因為人跡罕至。

但係響呢度似乎又睇到更高更遠的景。

望番落去下面。

行番落去，就見到旅遊精品店，好多好精美的木雕，手工唔錯，曾經都有一刻想買個返去，可惜又覺得買到返去多數都係亂放，就冇買到，唔知幾時有機會再黎呢？

呢度真係幾靚，但都行左好耐下，係時候出發去另一個地方，去邊好呢？

突然見到有人渣天鵝艇出遊，如果成班Fd黎，或者可以試玩下哈，可惜今次冇，唯有去第二度啦。

見到呢度有纜車，就比左少少錢搭上去，咁細的地方都起到條咁斜的纜車，我都覺得幾神奇。

上到黎上面，更見湖光山色。

可能係通向鹽洞之路，原來上面都有幾多野行下。

呢條天橋都幾高下，但係我自從響瑞士克服畏高之後就唔怕呢D天橋，簡直係來去先如，仲覺得好好玩，震震下咁。

唔知呢D路通去邊，其實Hallstatt大部份時間都係冰天雪地，真正最熱的月份就係23度的7月左右，即刻而家，所以夏天響呢度唔常見，綠草如茵未必係常態，同冬天各有特色。

去到觀景台遠望，對面就係我住的上特勞恩。

呢度就係突出去的觀景台，好彩我早到，之後一大班大陸遊客又霸住左呢度自拍。

180度景色。

大家似乎都好享受呢個景色。

行返落黎，又向另一個方向前進。

上到去鹽洞的入口，條路都幾好行，好似行山咁，唔錯。

冇去到鹽洞，今日都差唔多啦，係時候走人，因為都行到有點兒累，曬足一日，呢條就係上去的纜車。

又黎返呢度等車，等左半個鐘左右又搭返小船返去。

返到去之時依然有陽光，我就返去房度訓下，因為今日都好早起身。

順便煮埋個杯麵，聽日又要出發，返番去市區。

《天主教聖瑪莉教堂．青春的上游 白雲飛走蒼狗與海鷗》

到站，呢張相好似一幅油畫咁，倒影清楚。

我的遊覽係先由左面開始遊到右面(面向Hallstatt)，我發覺左面其實係搭船位。

有船會響呢度停低，然後去幾個地方咁，不過價錢都幾貴。雖然說呢度係隱世小鎮，但我見到旅遊巴落客位有大量大陸遊客落車，於是我知道，呢度又係一個熱門大陸旅遊勝地，睇人數可能村民仲少過遊客。

左面有少量民居，呢度係一條河流。

沿著河邊行，見到幾隻天鵝。

開始進入Hallstatt的中心，建築物都幾得意，三尖八角，每戶窗台都有好多植物，可惜我唔知呢D好似玫瑰的花究竟係咩花。

呢度有個小廣場，我都坐左好耐，好多人響度影相，因為呢度一排建築好似係特色黎。

對面就係我坐的長椅子。

行番出去，響度影番張河邊小屋。

再向右行，慢慢地勢會高左D，開始會少人D，因為大家腳力未夠，行唔到咁快，但係個景就係通常旅遊書貼個張。

呢個鬼妹同個男仔一齊響度係咁影相，唔知佢係度蜜月定係模特兒呢，不過咁好景影相佢都執到。

行高少少會有一座教堂，由教堂望出去，可以見到成個鎮的建築物。

教堂門口有個墳墓，都幾靚，好有心思。

教堂門外雕刻。

大家都認真望緊。

呢座教堂都有好多年歷史了，我都坐左陣，好彩有教堂，唔係的話遊客只能去餐廳先有得坐下。

早起的感覺真係好，唔知點解呢好似唔洗點樣食野咁，但又唔覺得肚餓。奇怪。

下篇待續，會繼續睇下有冇其他值得去的地方。