燒鵝佬，30多元的炒飯。
30多元的乾炒牛河。
膳心記30多元的煲仔飯。
菜及豆乾。
.jpeg)
羲和京致．炒麵．巨人
萬象城的羲和京致，與香港的羲和雅苑菜單大同小異，但價錢則相差一倍，美味的片皮鴨。
另外，連城新天地的6蚊炒麵非常好吃，價錢平到令人覺得恐怖，香港也許要20元才可以吃到炒麵。
還有深圳的巨人展，店內於9月5日起舉行「巨人展」，以昆蟲王國為主題，設有多個超搶眼的打卡位，當中3層樓高的《太初的人類》超級巨人裝置，其皮膚紋理、毛孔及眼睫毛都十分逼真細膩，仿真程度極高；另外3樓的巨型人頭裝置《三位預言者》，其頭部會轉動及點頭，腦後的髮絲相互纏繞，相當奇幻；另還有巨型野牛、鏡面螳螂、壁畫等，講述《昆蟲王國》中巨人族、獸族、昆蟲族之間的故事，雖然唔知有咩意思，但體積巨大都幾震撼。
《悅點鮮》《蔡林記》
左邊是蔡林記熱乾麵，右邊是悅點鮮的炒飯炒麵咕嚕肉，手藝不錯。
熱干麵是乾拌麵的一種。其麵身為鹼水麵，輔以芝麻醬、蔥花、辣蘿蔔等各種配料。傳統熱乾麵特點武漢本地最為著名的品牌是蔡林記。
熱乾麵與山西刀削麵、蘭州牛肉麵、四川擔擔麵、華北炸醬麵並稱為中國五大名麵。
深圳頭療
今日陪媽媽上去大陸睇牙，佢拔牙期間我地去左旁邊商場做頭療，店名叫頭道湯，原來中環都新開了分店，一次頭療折扣價$368，而深圳只需要$198，價錢相差約$184。太太表示值得去，有效改善髮質。
《客語．河鮮》
今次去食萬象天地的客語．河鮮，其實食過好多次，但發覺今次咕嚕肉有驚喜，外皮炸得又甜又脆，勝瓜蜆肉湯好飲，最神奇係三杯雞竟然是如此好味，連唔鍾意食雞既我都夾多幾舊食，有時候去餐廳食到一兩樣難忘的食物，事後會不停回味，感到滿足。
第一次食深圳西餐 - 農畉
食西餐農畉 Lonfood，先講價錢，
培根旋風蛋牛肉堡 ¥78.00
烤春雞口袋餅 ¥58.00
鳳梨佛手柑茉莉 ¥32.00
紅芭樂青提酸奶 ¥36.00
味道方面，牛肉堡其實係底有小麥麵飽，再加塊麥當勞雙牛芝堡味既漢堡，上面加多塊蕃茄，然後再加片滑蛋，扭得唔算好靚，太太整得會更靚，頂加多塊煙肉，旁邊加少少切碎左濕濕地既綠色沙律，有D奇怪，味道就唔算太突出。
至於炸春雞口袋餅，我覺得都幾好食的，有兩塊。
鳳梨特飲有陣佛手柑香味，但紅芭樂幾有驚喜，青提我都鍾意，呢杯飲品係我最欣賞的。
食物擺盤賣相不錯，服務態度好，寫食評送薯條，但係冇咩味，少少清淡的薯條。
總結，食過一樂同農畉，對深圳西餐感到少少失望，香港好食好多。
北上消費篇 - 卓悅中心一樂食堂
在本地一個多月振興消費之後又再次回到深圳消費。
先去按摩店，記得上次按摩還要給小費，78蚊加20蚊小費，這次按得不錯，一入即有位，冷氣也幾正常，但係埋單收費不再要求圈小費，而是直接收取88蚊人民幣，公平，也不會尷尬，這個安排非常好，值得再去，諗起朋友係東方園仲要比小費，小費等於我呢間按一個鐘，就覺得呢度都唔錯。
之後我地行在去卓悅中心拎飛等食一樂食堂，太太想食好耐，之後周圍行，原來卓悅中心開左KKV x X11潮玩集合，係一間好多精品賣的店，好似figure博物館咁，但係最特別係竟然有生活用品賣，我成功買到想買好耐既浸腳湯包，另外買左個薄荷盆栽種子返公司種。
之後去食一樂食堂，我地叫左兩個tacos，三文魚tacos唔錯，但金槍魚係我太太叫既，但叫完佢又話唔太好食，食開三文魚就淨係識食三文魚既太太，之後上既係我既咖哩蛋包飯，高級版銀咖哩，太太既芝士瀑布一根面，盆邊用生牛肉圍住再鋪滿芝士，中間係忌廉加麵，麵底係一大條麵，白布烏冬個款麵，千層麵質地，太太彈到成面都係，食食下就覺得好溜，中伏呀，最後食唔曬，杯菠蘿氣泡水不錯，太太意見係呢間餐廳不值得再去，不過都算係我地第一間係內地食既日本菜，壽司tacos都不錯的我覺得。
之後我地就去左一間店叫話梅，係一間超大型的美妝店，入面香水化妝品洗頭水品牌全部都係名牌，店內水管設計係幾好既，有D新意，但貨品擺到好似散貨場咁，不過都吸引好多後生行既，我覺得最大問題係在於佢D產品價錢牌唔明顯，同埋唔知個樣究竟係咩產品，冇咩標籤，由於品牌太多，完全係分唔到邊個係好D，唯有係睇價錢，但樣樣價錢都好似差唔多，例如我唔知LOEWE同CELINE邊款好D，可能真係得女仔先知，而且大部份產品都冇得試，變相香水我都唔知咩味，要買左黎用先知，所以我諗緊佢之後究竟生唔生存到。
行完商場，我到去返大街步行去皇庭廣場，中間經過次元小鎮，好正既一個地方，有好多後生仔cosplay，勁多精品野賣，我諗九展執左之後香港應該唔會再有一個商場比cosplayer交流，呢個商場係幾有特色，跟住我地去盒馬買返之前覺得抵買又好食既野，超級多港人，然後去落馬洲試下搭小巴去皇巴站，之後行返去富泰車場拎車走，原來日泊100蚊，我覺得方便過泊元朗，因為上車就可以直接渣返屋企，而且比平時早一個鐘到屋企，正!
點解同一張相，我太太影得靚過我影多？唔公平。
.jpeg)
深圳食泰式火鍋樂卅市集
Coco Park食泰式火鍋樂卅市集，二人套餐折後286蚊人民幣，有牛肉、蝦、雞、午餐肉、檬粉、娃娃菜、豆腐、冬陰功湯底及檸茶2杯，相比之下，香港沙田新城市廣場四面泰食以上所有食物需要720蚊港幣，而泰金鍋火鍋放題則需要480蚊港幣，果然深圳食晚餐扣除車費還是比香港便宜，而且食材新鮮，服務態度好，幫你剝蝦殼，唔洗排隊，二人坐4人位，非常舒服。
.jpeg)
《人生吃過的薩利亞》
在日本、香港及深圳吃過薩利亞，三地價錢以香港最貴，165蚊，日本需要大約122蚊，至於深圳只需要80蚊就可以吃到，以深圳的最豐盛，有1個燉飯，1個意粉，1個薄餅，1杯飲品，1個腸仔拼盤，日本的也不算特別好吃，三地的口味其實差不多，感覺上日本會比較衛生一點，事實上三個地方吃完後也沒有肚瀉的情況。
最近幾次北上吃的東西: 辣可可、大汗串燒、小柴米、fufuland
最近幾次到福田深圳灣吃東西，分別吃了辣可可$168.31，小柴米$190.02及大汗碳烤羊腿店$253。Fufuland甜品則一般。
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
《兩間八合里牛肉火鍋的價錢竟然不同﹗》
發現上次月頭外父去八合里牛肉火鍋和我們這次去的印力店食物價錢竟然大有不同。
首先是醬料費，水圍4位只是24蚊，但印力黑金店卻要40蚊。
其次是湯底，水圍店牛骨清湯底鍋只要20蚊，印力黑金店的原味牛骨湯底鍋38蚊。
牛肉方面，水圍店的至尊牛肉三拼要68蚊，印力黑金店的至尊牛肉四拼卻要138蚊，足夠叫兩個至尊牛肉三拼。
水圍店精選嫩肉只要30蚊，印力店匠心鮮切嫩肉要36蚊，有心價錢要貴6蚊。
蔬菜方面，水圍店平均15至16蚊，但印力店卻要14至18蚊。
主食方面，水圍店乾炒牛河30蚊，但印力店芥蘭乾炒牛河卻要36蚊。
飲品方面，水圍店1.25升橙汁15蚊，印力店1罐果汁要8蚊，容量少很多。
究竟為甚麼兩間都是八合里，價錢卻有如此落差，也許黑金兩個字就將價錢提高了不少？
結論是，水圍店的八合里抵食好多，至於食物質素，則見仁見智。
萬象天地的《江南廚子》
我們叫了幾個菜，油燜春筍¥78，知味小排¥59，腐皮雞毛菜¥42，招牌生煎包¥28，小籠包¥28，紹興乾菜燒肉¥68，杭白菊¥24，紙巾¥3，白飯¥8，合共¥338，最受大家歡迎的是紹興乾菜燒肉，非常好下飯，大部份菜都不錯，沒有難吃的。
《南鄉．精功順德菜》
這次和太太來到深圳卓悅中心的南鄉．精功順德菜，太太喜愛上次吃過的順德菜，我們點了順德魚羹，白切豬手及陳村粉炒牛肉，太太表示順德魚羹太腥，我則喜歡魚湯的鮮味，她認為白切豬手沒有順德有記上次吃的白切豬手那麼好吃，這點我也同意的，至於陳村粉(沒有拍照)我覺得很好吃，再加了兩個牛肉叉燒包及雙皮奶，很快已經吃完，她則認為兩者不過不失，價錢226蚊港幣。
我想，也許上次好吃的另一個原因是我們叫了茄子及炒大腸，兩者都很好下飯，反而這一次叫了1個菜1個湯1個麵及兩個小食，感覺上有點少，也許下次可以不叫湯及豬手，多叫一個主食，但對於內地的湯總是充滿興趣，目前吃過順德魚羹、客家土豬湯及石鍋翅，味道都不錯。
.jpeg)
.jpeg)
《香港睇牙 vs 深圳睇牙》
以下是香港及深圳睇牙的價錢比較。
首先是愛康健的價目表。
其次是兩地普遍牙齒治療價格的比較:
返深圳洗牙，做法同香港洗既一模一樣，同樣會給予護齒意見，相對上我覺得會輕力少少，因為香港有些牙醫洗牙的方法都幾粗暴，深圳服務行先，自然希望留住客人，同時冇建議我做其他治療，洗牙第一次有折扣190蚊港幣，比起香港600蚊起要平好多，同時佢地都建議你做個平的洗牙，唔會推銷貴價治療，香港我睇過某牙周治療中心，醫生會講到問題好嚴重，建議你做最昂貴的治療，檢查費未開始治療已經需要付2000蚊港幣，最後睇公立牙醫表示問題不大，無須浪費呢筆金錢。
種牙等價目沒有標示，需要見醫生詳談，或者可以講下價的。
以上是兩地牙齒治療的心得分享。
《採耳體驗丨耳道．深圳卓悅中心》
今日去左深圳卓越中心的耳道試下採耳，第一次採耳的感覺好新鮮，同我預期中的採耳都幾唔同，原來唔洗打側訓，平訓就可以，佢首先會開個cam比你睇下你兩邊耳仔入面咩環境，佢話我冇咩耳石，都幾健康，係入面紅左少少，可能熱氣，我見到左邊有舊大耳屎。
之後佢就會先幫我按一陣頭，好舒服既頭部按摩，大概1分鐘左右，之後開始採耳，首先右邊耳仔，拎支羽毛掃幾下，然後放個筒入去，之後就慢慢伸d細細支既野入去了耳仔，過程完全冇痛既感覺，甚至都唔係好feel到拎左舊耳屎出黎，偶然感覺到刮緊少少，都係好輕力，之後就第二邊耳仔，舒服到我都訓左陣，45分鐘其實都好足夠，兩邊做曬。做完之後聽野又唔算清好多，可能我本身冇咩耳屎，但係全身都鬆左好多，採耳係幾舒服，呢間店每人獨立房，木系設計，好似太空倉，訓得好舒服，又有花茶飲，而且佢慢慢做，播下音樂好寫意，繼腳底按摩之後發掘到一個新的享受，價錢就200蚊人仔，我覺得係幾值得的，因為呢一個鐘佢真係做足，而且中途佢係唔會同你講野，比你全程寧靜的享受，又唔會好似去水立方按摩咁，全程聽個阿姐係度講自己有幾窮有幾慘搵幾少去搏你比多少少小費，明碼實價，做完就走，有禮貌，體貼周到的服務。
下次去會試下佢個頭療，頭部按摩都想試下，太太試左頭肩頸話超級舒服，舒服到唔想走，身心都得到療癒，意外地發現到新的拍拖節目。
《大鴿飯．味道不錯的鴿子》
在各種肉類中，以鴿肉含蛋白質最豐富，而脂肪含量極低，消化吸收率高達95%以上，含有18種氨基酸及多種微量元素，當中所含的氨基酸比例更高達17%。
兔肉脂肪少、膽固醇低，是一種優良的健康肉類。
米芝蓮必比登推介: The namesake signature dish is rice cooked in pigeon- and pork bone-broth topped with steamed pigeon. Of course, the salt-baked and deep-fried pigeons are must-tries. All fowl offered are 22-days-old and slaughtered on the day.
寶安大仟里的大鴿飯，據說是廣州米芝蓮乳鴿餐廳的深圳分店，黑松露鴿子肉飯好味好快食完，第一次吃鴿子肉的煲仔飯，但飯焦角度而言，相比上次順德小順天的煲仔飯，底部的飯焦比較難刮，上次小順天的飯焦是金黃色的，厲害，鴿雜煲比想像中惹味，有驚喜，值得一試，至於燒乳鴿應該是最好味，多汁肉嫩，這次三道菜都叫得很好，之前經常失手。
價錢: 215蚊人民幣，抵食。
.jpeg)
.jpeg)
《黔派．不好吃的貴州菜》
以前食貴州菜比較平，結果食貴州麵食也吃了200蚊。
苗定小鍋酸湯粉：談不上很好吃，但也可以吃得下的，大約等於香港一個蕃茄米線，不過筷子很粗麵條很幼，不易進食。
爆漿小豆腐：外脆內軟，但沒有味道的，需要點七味粉，相比之下聘珍樓的椒鹽豆腐完勝。
烤豬板筋小串：19蚊10串，份量極小，味道正常但不夠飽的。
冰楊梅茶：有d像冰條裡的汽水，味道像溝出來的飲品。
絲娃娃：最伏的菜式，只是貿量不佳的麵皮用手包進一些簡單蔬菜，例如海帶，萵荀，青瓜，蔥，臭臭地的麵條，芽菜等12種配料放進口裡的小吃，不值得這個價錢，而且味道也不好吃。
辣子雞：極難食，霉霉的肉，而且感覺醬汁也不新鮮，像放了很久的。
訂閱：
文章 (Atom)