食完飯，我地想去揼個骨，發現refresh24收凌晨一點，好似仲趕到，於是決定搭車去，見到有架tuk tuk，傾完價之後就上左車。
可惜個司機唔知係咪high大左，渣渣下車大呼小叫，又無端端舉起雙手表演唔渣軚盤，我地嚇到叫聲師父，叫佢冷靜D，唔好亂黎，有事慢慢講。
佢渣左去唔知邊度，最後響一間按摩院前面停低，佢應該係車去指定骨場有錢收，我地叫佢車返去refresh24，傻傻地，佢照做，渣到勁快，80公里!!轉彎個陣仲好快，我feel到有d離心力，比佢玩死! 5個人坐一架咁細的車，隨時都有飛出去的可能，等同玩命，服左自己。
仲笑得出我都幾好野，D鬼佬好似唔驚死咁，不過佢地冇我地坐5個人咁多，人太多真係好易翻車。有朋友話，去左幾日好似去左好耐旅行咁，當然啦，咁多痴線野發生，的確係難忘。
最後安全到達，執返身彩，馬上衝入去refresh24，可惜冇咩技師，5個技師有個仲要有個係男人，偉哥猜輸左，唯有辛苦少少，比男人按。
技師揼揼下我訓左，醒返個陣佢差唔多揼完，我右手上面D肌肉比佢揼到好痛，舉起手都痛，唔知佢識唔識哈，算，拉筋有幾下的確係幾舒暢，爽! 印象中好似比左50蚊泰銖小費。
返酒店個的士司機又唔識路，搵唔到間酒店，兜左好耐先搵到，後來發其實停響附近行去仲方便。
夜晚各人都有自己節目，我就玩玩手機剪下片之後訓著左~~