本身就plan左第二日去丹能沙朵水上市場同埋美功道水上市場，但係琴晚大家都好累，於是遲左少少，12點先到Savoey食午餐。
呢間Savoey響Mercury Villa裡面，其實都係Central Embassy附近，食完野，就落雨，去水上市場都冇咩睇，加上車程都好耐。
呢間餐廳又係好多blogger推薦的泰國餐廳，但冬陰功唔辣，我覺得最好味係個蟹肉，好好味，其實菜式就不過不失，但我覺得都好味過香港，又係狂食，加多碗飯，餐餐咁食法真係痛快，其實泰國冇咩特別非去不可，但係以食物來說一絕，而家先發覺原來泰國菜都幾多元化。
由於食完野見個天都仲落緊雨，於是我地轉移策略(醒!)，決定去healthland揼骨避雨，今次正啦，healthland腳底按摩真係好舒服，舒服到我都訓著左，全身有種放鬆的感覺，而且400泰銖，好平! 難得大家都覺得唔錯，一齊去玩真好!
出左healthland發覺停左雨，於是決定去拜四面佛，行15分鐘路去附近火車站，再搭返去Silom個位，四面佛係比四圍建築物同公路包圍，好似路邊的一座廟，但係又有好多人拜緊，我落去都拜左兩下，希望細妹有大學Offer，點知佢第二日真係收到，巧合!
到左四面佛，大家都好誠心拜緊。
原來位置響各大火車同馬路中間，好特別，冇諗過竟然係完全冇建築物遮蓋。
臨走佢地選購緊佛牌。
我企緊呢個位好似就係幾年前炸彈爆炸的位置，環境就好似冇發生過任何事咁，馬路依舊擠塞。
呢張相都幾壯觀，平日曼谷好多地方都係咁，想要唔塞，唯有搭地鐵出遠少少再轉的士，咁樣會舒服D，哈。
開心呀，三妹做左大學生，威!