第二日朝早，峰爺自己一個搵親戚曬淨做法事，我地幾個就去左Terminal 21參觀下，呢個商場每層都用一個城市做主題設計，不過我地就覺得悶到痴線，但為左等人唯有周身影下相all下屎咁。
偉哥食左兩個窩夫，一杯義大利雪糕，打比峰爺，佢話趕唔到，叫我地食先。
好!我地搭地鐵去Central Embassy食Nara。呢間餐廳連續10年獲老牌雜誌《Thai Tatler》讀者票選為「泰國最佳食府」，顛! 不過金鐘有姊妹店Apinara，新城市好似都快有店開，咁遠走黎泰國食，就係貪佢平D!
Nara係梵文解女人，因為呢間餐廳係由泰國女企業家創立的。
間餐廳都唔錯，可惜我發覺冬陰功係唔辣的，不過睇番D飲食評論話食泰式咖喱最忌太辣，這樣就吃不出咖喱的其他味道，我就覺得辣D會更加好味，餐廳環境都裝修得幾好。
Nara內部裝修，都幾高貴。
各位食神都好高求，指手劃腳。
食物分別有冬蔭功(唔辣的)，雞肉豬肉串燒(幾好味)，生蝦(我冇食)，小食拼盤(大家覺得蝦餅一般)，咖哩(幾好味)，醬汁方面，泰國菜係幾有特色，就算食物普通D汁都幾好味。
我覺得泰國咖哩似乎比起日本咖哩更加好食，味道層次多D。
食到最後，峰爺黎左，我地埋左單之後就去暹羅水族館，入場費要$990泰銖，但係我覺得都幾值得去，因為個場好大，成10萬平方呎，同京都水族館差唔多大，雖然細過大阪海遊館(20幾萬呎)，但有條海洋通道都幾多大魚可以參觀。
曼谷呢面有D動物海洋公園都冇，例如好細隻的樹蛙同埋蛇，但係我都係覺得京都水族館最好，因為人最少，而且企鵝館靚D，同埋我對京都水族館個海豚表演印象都好深刻，仲有娃娃魚(山椒魚)睇，反而曼谷呢度就無海豚表演，但係有水獺表演。
記得去過摩納哥(蒙地卡羅)的水族館，有個好大的鯨魚骨砌出成條鯨魚的標本館，都好壯觀，但係動物種類反而冇曼谷呢度咁多。
無論邊度的水族館我都好鍾意去。