19:55飛機開始郁，但係20:45飛機先真正起飛，架飛機焗到痴線，又熱，我都要開風扇，機上買支野飲，原來係$1港幣=$3.5泰銖，簡直係搶錢，中左伏，明明有泰銖響身度又冇用到，慘!
到左曼谷先發現，原來呢個機場係廊萬機場，係冇峰爺所講的superich找換店，唔緊要，我地去買SIM卡先，$260泰銖，無限上網，平!(見下圖)
跟住我地搭的士去酒店，grab taxi都幾方便，不過個司機木口木面，毫無表情。
到左酒店check in左，大家就決定出發去搵野食，時間係凌晨一點半，大部份食店都關門，最後我搵到間叫光海鮮的餐廳，叫左幾碟小菜，味道都唔錯，條鱸魚最有驚喜，我呢就最鍾意食炒飯，可惜冇象啤，只有虎啤，但係都照飲，飽到傻，滿足，呢間餐廳唔錯，開到凌晨3點，而且識講普通話。
如果夜晚晚先到泰國，呢間宵夜幾值得試下。食完野我地就搭的士返酒店，準備第二日出發!