本來呢就打算返去休息一下，但係又覺得未累，所以就搭左架車去聖家堂。
去巴塞旅行唔去聖家堂都唔算去過，呢座建築起左成百年都仲起緊，起完將會係全世界最高的教堂，去到遠望已經見到，好宏偉的一座建築，我響四個方向都分別影左D相，好彩天色好。
我發覺原來即日入去係唔得，因為門票已經賣曬，唯有企響門口望下佢外型，後來諗返好彩今日有黎到，因為我去個日個天都冇而家咁藍，有陽光先可以影得比較清楚，去幾次其實都有作用。
由於今日叫菜都叫得幾失敗，訊號收得差，google translate要逐個字查，查完又要睇下究竟係咩黎，所以就將餐牌影低，返到宿就坐低慢慢查下到底D西班牙文的菜係代表咩，寫左少少筆記，可以聽日再戰。
帶去香港的杯麵同公仔麵已經響法國食曬，得番兩包通心粉，好彩佢屋企有少量調味料，唯有是旦煮一煮，今日午餐太貴了，晚上只好將就一下，好彩有橙汁，咁又一日啦~~
下篇待續。