食完野，就開始響城市內行下，今日天色唔錯，黎到巴塞，大家都說要睇建築，好。
行行下都見到好多奇特的建築，外立面都幾得意，好似下面的這座大廈。
巴塞的街道是我去過的地方中最好行，因為路很闊，大家都行得很舒服，比起法國更加乾淨，地鐵準時而且相對英法比較新，指示清楚不易迷路，深夜仍然有很多人，班次充足。
終於來到米拉之家，好多人響樓下影佢的外型，現代主義，彎彎曲曲，其實我都係第一次親眼見到彎彎曲曲的建築，這類建築總是用線條去吸引你的眼球，好靚。
再行多陣又去到巴特略之家，又係大師高弟的作品，好奇怪的建築，外型有好多雕刻或者獨特的裝飾，好似童話的屋子咁，的確係顛，因為數量少，有創意，Roger Scruton講過有individuality的建築作品就體現了建築美學，時代的象徵。
不過我都係鍾意整整齊齊的作品會比較好。
沿住蘭布拉大道行會到達一個大公園，呢個就係加泰隆尼亞廣場，有好大個噴水池同埋好多白鴿，好多細路都餵緊佢地。
風光明媚，係每個旅行者最大的心願。
廣場D花奔都放得幾靚，位置又在市中心，一條好好的旅遊步行路線。
沿途好多店舖，係一條好長的步行街，全長1.2公里，有人話呢度好多小偷，不過我覺得都幾安全，好多外國遊客。
我覺得去到西班牙，特別係巴塞，最值得去睇下就係佢地超市同埋街市，佢地對於豬的研究非常西利，咩類型的豬肉製品都有，擺放到好吸引，唔影唔得。
街市D蔬果又有另一個奇觀，點解香港個D好似冇擺到咁靚，好多唔同種類的生果，同埋佢有時會切定包好，方便其他人即買即食。
如果我有部單反一定會影多D，我覺得街市好反映到當地人的文化同生活，食物種類之多，係香港都睇唔同，值得去參觀一下。
作為最出名的街市，博克里亞市場LA BOQUERIA都有好多即食小店，好多人都坐定定點菜，通常都係點海鮮或者西班牙火腿菜式。
好多遊客，其實巴塞都算係我去過城市中最多靚女的地方，而且打扮都唔錯，可能雲集左好多唔同國家的遊客，我覺得巴塞都算係一個旅遊天堂，好多野睇同感受，我比較鍾意去D多人同埋好行的地方，所以呢度都唔錯。
街市出面的餐廳。
再沿住海邊一直行，會見到一條橋，線條都有特色，藍天白雲，海水澄碧，難得好天氣。
走埋上條橋繼續行，天氣唔算好熱，雖然有陽光，但唔會好辛苦。
巴塞海港都停泊左好多遊艇。
好野，黎到巴塞沙灘，有女人真係唔著衫，天體沙灘，反而呢個沙灘有沙，尼斯海灘雖然好靚，但沙灘反而冇巴塞呢個咁靚，不過我覺得以沙灘而言，香港或者會更好。
有音樂表演助慶，我都企左陣聽下。
繼續向W Barcelona進發，慢慢行過去。
又近左D，終於望到座酒店，我冇入到去，反而係行去巴士站搭巴士走，因為只係計劃沿La Rambla行到盡頭，作一個簡單的都市漫遊。
行到我都有少少累，於是就坐左響巴塞沙灘下面乘涼，見到有少年們玩滑板車同滾軸溜冰，唉，我返到香港都想試下玩，好似好正咁。
下篇繼續~~