好啦，第二日一早就出發去奎爾公園(Park Guell)，好多旅遊書都話推介必去。
呢D柱都幾特別同壯觀。
遠睇差D以為係人扮。
好多人行到半路坐低左，因為對面有音樂表演。
就係呢兩個人表演一D奇怪的樂器，不過D聲又幾幽怨，幾值得停一陣望下。
繼續行，其實個公園比我的感覺係好多沙，雖然有樹木，但係沙塵滾滾。
後面有座小山，好多級樓梯，鬼佬都喘曬氣，我就慢慢行到上去睇下巴塞城市景色。
去旅行點都要登臨一下的。
呢度多D藤蔓類的植物。
盛開的花朵，好靚。
行完公園，其實Park Guell最出名係公園有幾張椅子D玻璃係彩繪，不過由於我覺得麻麻地靚，過於浮華，而且又要比錢先入得去，有派等，所以決定放棄。
之後搭車上山去蒙特惠奇城堡(Castell de Montjuïc)，維基百科話係在1938年至1939年的西班牙內戰期間是監禁及槍殺政治犯的場所，不過我去到又有另一番感覺。
入口係一個地洞。
遠望可以見到貨櫃港，都幾壯觀。
其實城堡而家已經變成紀念加泰隆尼亞爭取獨立的一個象徵，裡面有展覽講返當時二戰期間加泰點樣對抗西班牙政府，佢地都好自豪有一段咁樣的歲月，可惜最後加泰總統就係響呢度遇害死左。
加泰國旗。
呢度望返落去入口。
軍事堡壘。
中座有一個展覽，好多白色旗仔飄揚，用唔同語言寫一D宣揚和平的訊息。
好有歷史味道，Logo好型。
上到黎反而冇咩人，天色冇咁日咁靚，好似有少少想落雨，好彩都冇落到。
望番落中庭個展覽，幾有意思。
去完公園同城堡，時間都唔早，日落黃昏啦，不過講緊係8-9點，見到噴水池好多人都聚埋一齊等噴水表演，原來我都想等埋一份，但係手機冇咩電，同埋仲有半個幾鐘，企左一陣都係決定放棄，下次先睇，返去休息一下先。