好野! 終於行完成座山，黎到Vernazza，天空依然晴朗，我就把握機會影相先。
呢張角度無得頂，第一次覺得原來自己影相都幾勁，好似明信片咁，充滿自信。
愈黎愈近鄉村啦。
好野，行到落黎地面，D屋仔五顏六色，好得意，好似童話故事咁，後面開始多雲。
近海邊有座燈塔，即刻比幾歐行上去睇一睇，去到呢刻，其實我仲有少少畏高，所以我都係腳震震咁行上燈塔咁影呢張相。
呢張又係另一面影，依山而起的屋仔，有氣勢，諗緊佢地D建築材料點樣搵同運上去。
呢個位又係靚景。
色彩燦爛的建築令到成個畫色的色調都豐富起來。
之後搭返火車返去住宿個條村，好快，好似大水坑去石門咁上下，望返後面座山。
開始有夕陽啦，好快將會天黑。
臨返宿之前搵到個廣場，可以望到曬所有錯落斑駁的屋仔。
好和諧的建築，規劃都未必有咁精彩的佈局，好似一幅畫咁，各有特色。
望向海，兩座屋仔的空間，意大利人好鍾意將D衫晾出去，風吹時飄揚，好似一面面旗咁。
最後黎一張全景圖收結，大滿足!
後記:
查身呢張烏雲密佈就唔係好靚，我都盡量避開D雲，但係唔覺意又影到一對情侶擁吻，我諗佢地婚紗相都未必有咁夾，成幅無懼世事變改咁，當時真係有一下想比番佢地，不過最後都係冇咁做到，我覺得都幾浪漫。
以下係今晚的晚餐，因為正餐太貴，所以唯有食小食算。
味道唔差，特別係薯條都幾好味。哈，在意大利食過意大利薄餅，味道都係同香港差唔多。
仲有3張相我覺得都影得唔錯。
下篇待續。