在五漁村最後一日收到三妹公開考試未如人意的消息，心情也低落不少。
這幾天的天氣也像我心一樣，陰沉不定，而且都幾凍下。
從意大利轉乘飛至瑞士蘇黎世，然後坐火車來到琉森，出了一個大錯，就是沒有買swiss pass，本來以為城市會有很多地方可以行，怎料來到以後才發覺沒有甚麼地方可以行。
聽過人話瑞士麥當勞比香港好吃，自己吃過，覺得很難吃，還是香港有脆香雞翼好味點。
琉森曾被譽為最佳的渡假勝地，但由於我選擇的是青年旅宿，所以這幾天比較像捱苦，下次寧願比貴一點住酒店，大衛旅館一役後才明白對我來說住宿才是旅行的重中之重。
放下行李之後到街上走走，教堂橋是最出名的觀光地方，其實除了歷史這個因素外，它跟香港公屋樓下給長者行走的步道沒有太大的分別，但其實是歐洲最古老的木橋，我走在上面沒有太大的感覺。
幸好等了一會雲散去，少許夕陽，灑在建築上，都幾靚。
我覺得呢條橋更加好行，可以感受一下瑞士人平日的生活。
呢個方向影條河，歐洲的建築同河係最好的配搭。
呢個位睇又暗左少少。
橋上植物好似係天竺葵。
即係呢一種，我都走左上去行左幾個圈。
第二日，由於市內冇咩地方好去，我覺得琉森唔適合後生去，長者去渡假或者適合，因為餐廳同物價都好貴下，悶悶地去搭纜車上山，其實我都唔知係咩山黎，後來先知係皮拉圖斯峰。
皮拉圖斯峰有幾高？馬鞍山高702米，而佢就高2,128，大約即係三座馬鞍山咁高。
今日天氣可能麻麻，變左搭纜車的人比較少，自己一個人霸一架纜車，其實就咁買飛搭都幾甘，不過難得黎到唔搵野做下又太慘，反正有生之年都未必再來，唯有忍痛揮霍下。
上左山反而天氣好似好左D，見到好多綠色草地，少少童話故事的屋仔。
中途有轉下架纜車的站，我都落左黎行下。
我都難得地自拍番一張相。
雲霧之間的山峰。
中途站仲有空中滑索遊戲玩，我都行左落去望下，一般人勁可以試下學瑞士人一家大小行上山。
呢個火龍公仔就係呢座山的象徵，好得意呀哈。
好野，上到黎啦，我都係第一次上到咁高的山上面，呢度天氣好凍下，我都唔知幾多度，不過我都只係短袖T一件，周圍行黎行去，太凍就走返入，前面有個小食部，見到瑞士腸仔，曾經有好多次見到燒到香噴噴都想買，但最後竟然又比我忍到冇買到。
欄杆上有種好特別的雀仔，完全唔怕人，甚至有雀仔企左上遊客個頭度，正。
其實大部份時間都響雲霧裡面，終於知咩叫伸手不見五指，趁霧散左陣，就睇下山峰之間係點，原來都係綠色，好宏偉的感覺，可以望到好遠，登臨的感覺，我都嘩左聲。
呢度有道牆，寫住座山有幾高。呢度傳說係判耶穌去死個彼拉多葬身的地方。不過彼拉多有咁咁勁爬到咁遠死呢？另外呢，維多利亞女王、列寧都上過黎，當時好似未有纜車，行上黎都幾甘。
呢個就係中途站外面個樣。
好啦，落返山先，成功霸到司機後面個位，呢架落山纜車有咩特別呢？聽講上山個條齒軌好似係全球最斜，落返去個陣架車都係慢慢行，望到好遠的山景，好迷人，忽然令人有種心曠神怡、豁然開朗的感覺，因為真係有番D靚景睇下哈。
無論上山定落山都會見到D牛仔乖乖地食緊草，頸部個鈴鐺會響，好好聽的音樂，好和諧的一幅照片。
返落黎人間，有山有水的地方，好靚。人唔係好多，心情愉快，唔洗同人迫。
船上都有一家大小的遊客。
好啦，落到山，不過唔係上山個位，佢張票係包埋一種游船河的。
就係坐呢隻船，其實隻船都幾高級，第一次坐遊艇之類的船，高速前進，個船長著埋制服，好專業，露天位有少許海風迎風吹黎，雲慢慢散去，冇陽光曬住有種清涼的感覺。
船上飄揚的瑞士國旗，就響我坐個位上面。
見仲有時間就去大教堂坐下休息一下。
之後仲順便去睇埋隻獅子，雕得好精細，勁!
附記:
青年旅舍環境唔係幾好，同5個韓國人同房，琉森超市竟然係冇正常杯麵買，痴線，好辛苦先搵到一個不知名杯麵同唯一識的辛辣麵，唯有將就下，食住先，呢兩個麵都好難食，懷念香港的譚仔同炒麵王合味道。
旅行係要捱下苦先知道平日生活的可貴，順便睇下究竟青年旅舍房間係咩樣子:
青年旅舍地下的廚房。
全部都係韓國男仔的化妝品，顛!
真係好亂，幾十萬樣野，相反我呢就好簡單，一個書包同一個喼，唔洗打開，換一件衫同內衣褲就搞掂，邊洗又化妝又gel頭，但佢地又真係幾靚仔。
話說夏天青年旅舍好多昆蟲，成個城市都好多烏繩，我最憎，反而其他國家城市又冇咁多烏繩，我留意左好耐，唔明點解瑞士邊到都有，就算係山上面的室內中心都有烏繩，生命力極度頑強，我臨訓前都幫韓妹打死左隻好長腳仔的蚊，佢仲驚過我。
不過呢間野的確係平，幾舊水一晚，可惜冇風扇，少少焗，其實我係點訓著呢？我都唔記得左。
下篇待續~