Airbnb的屋主係一個讀牛津的老伯，佢住同層的另一間屋，佢千叮萬囑我一定要試一試地下間餐廳，咁我就唯有試一試，價錢都要港幣$200-$300。
餐前酒一杯紅酒，另有一支凍水，其實我就餓到傻。
跟住上左呢個菜式，我睇番好似係南法一道比較有名的菜式，個名我又唔記得係咩，口感比較香脆，有少少菜都幾好味，不過比較難切，一切就碎哂。
主菜係一道Risotto，酸酸地，可能我太肚餓，只要係飯就一口一口爬落肚，又諗返起棋王樹王孩子王的第一個故事個男仔連油同汁都食乾淨的描述，不禁感同身受。
賣相係唔錯，不過價錢的確係遊客價。
甜品都幾精緻，係雪糕加好多粒士多啤梨，賣相一流，不過我麻麻地鍾意食士多啤梨，因為太酸，最後都食鬼哂佢。
法國菜食的是格調、品味，我都望左一陣身邊D遊客，一邊whatsapp，其實咁樣的日子唔洗理其他人自己一個獨自進食，其實都幾幸福，唔知將來的我還會否有這樣的勇氣去做呢種行為呢？
有些事情現在不做，將來也不會做。
坐左響客廳，係一個Open Kitchen，屋主好好人，有餅乾，有支酒，仲有佢預備的遊覽資料，好細心，帶黎既杯麵，就響呢度比我呢幾日食哂啦，之後就要孤身上路。
晾下衫先，好快乾，開心，不過呢度D電視節目質素真係麻麻，根本冇野好睇，還好wifi正常，可以睇下youtube，facebook，同香港都冇咩分別。
下一篇繼續尼斯之旅!!