第二朝我就搭火車去到尼斯，之後買火車飛去Airbnb，我去到的時候剛好見到有幾個香港來的年輕人也在買票，看來這個旅遊城市都幾受大家歡迎。
前年呢度發生貨車撞人的恐襲，造成許多人命傷亡，今次黎到呢度我都有少少驚，希望無咩事。
去到Airbnb，呢間都算係我住過最舒服的Airbnb，所有野一應俱全，而且好豪華，冷氣又夠凍，裝飾簡單而不失格調。
廁所都幾乾淨，不過由於係頂樓，所以浴缸就好矮，其實我都係170多一兩CM，發覺個頭都頂頂地，唔明D鬼佬簡單點沖涼，哈，最慘係我支洗頭膏個蓋開左，結果倒到成個行李箱都係洗頭膏，結果要響廁所洗完再擺幾日都係有陣味，慘。
呢度就係我住的地方個度門，不過最慘係呢度無樓梯，所以第一次上去拎行李的確係比較辛苦。
呢間Airbnb最正的地方就係好近海灘，唔洗5分鐘已行到呢度，因為個位置響遊客區的中心，嘩我咁大個仔都未見過咁靚的海灘，天空蔚藍，D海水折射成幾種唔同的顏色，真係好靚，前面就係地中海!!讀左咁耐書，聽左無數次地中海，今日終於親身見到!!
地中海氣候真係正，最正係你用洗衣機洗衫，晾響客廳一陣就乾哂，好乾爽的氣候，另一方面，呢D真係好大風，大部份時間都係好大風，我坐響海邊吹風吹到塊面都麻麻地，但對住個咁靚的海，我覺得一生人點都要黎一次感受一下。
咩角度睇都五顏六色。
難怪D人話呢度係蔚藍海岸，因為真係好藍好清。
天朗氣清!!
向右行多少少會睇哂成個天使灣，靚到無與倫比。
有個標誌比人影一影相。
巨浪滔滔。
睇完海浪之後向制高點進發，我發現D建築都好靚，線條分明，起碼比起巴黎，呢度的規劃係幾好，乾乾淨淨，又唔會太迫。
嘩!望落去又係另一番蔚為奇觀的景象。
我覺得iphone影到咁已經無敵。
行上一座小山的另一面竟然係另一個城區，建築林立，整齊排列的小屋。
嘩!!尼斯的啡色海岸線，遊艇與小屋群起而起，藍天白雲，一幅和諧的風景畫。
繼續唔同角度欣賞。
呢個角度睇到遠方的建築，好壯觀。
海岸線及紅色小屋，其實呢種係咩顏色呢？我都唔係好識得形容。
唔少遊客都選擇一家大小行山坐下，今日天氣咁好，唔上黎簡直浪費，不過好似夜晚呢度會關閉，去到黃昏左右就有人渣機關槍趕人走，所以把握時機係好重要的。