從Eze Village再搭同一架巴士，來到摩納哥公國，事前一早知道冇著西裝係唔可以進入賭場的，所以都冇打算去，反而係行下呢個小國，面積我覺得同香港島差唔多，又係半山的樣貌，好多樓都係起響斜坡上面。
行行下來到摩納哥海洋博物館，覺得門口個雕塑好型。
正面睇係一個爛面女仔。
但後面睇係一個靚女，睇事物都有唔同角度，雕得幾有心思，唔通人地背人垂淚又要同你講咩？
參觀下海洋生物，一向都鍾意行水族館，呢個由摩納哥大公創立的博物館都幾多野睇。
當中呢個鯨魚骨砌成的展覽好壯觀，睇哂佢身體的骨骼構造。
呢個就有番D肉。
博物館響海邊，都幾古色古香。
同樣地又係望住地中海的景色，之前天有少少陰，而家又好D。
蒙地卡羅的海岸景色，其實真係好舊式香港feel，我覺得好多野都好似好舊咁，可能天色多雲的關係，對於遊艇，我沒有太大的興趣，不覺得太壯觀，相比之下，還是香港的海港更美。
海灣，海濱的設計也不如馬鞍山般怡人。
好啦，今日的旅程又告一段落，我搭番火車返尼斯，因為搭巴士時間太長，火車好快就到，好肚餓，返去煮野食。
哈，自己淥個杯麵，再煮番個出前一丁，尼斯的大餐，還是有香港風味的食物比較適合，也買了果汁和飲了店主提供的酒和咖啡，覺得橙汁最好飲。
食完野可以上FB同youtube渡日了，當然仲要同三妹facetime，介紹一下住宿的環境，做番個room tour，開心!!今日最喜歡還是Eze Village，只覺得紙醉金迷的地方不適合我~~