來到東德呢個叫Dresden的城市，最出名應該係大轟炸，全城共計222000座公寓住宅，其中75000座完全被摧毀，11000座嚴重受損，7000座受損，81000座輕度受損。
其實佢又叫易北河上的佛羅倫斯，因為好多巴洛克建築。
我去到airbnb放低行李，間房都幾大，但係唔開得窗，又冇冷氣，大熱天時，其實都幾辛苦。
呢個屋主真係好奇怪，佢好好笑容咁招呼我，自己一個人住咁大間屋，響車站附近，但係當我走左之後，佢就留comment狂罵我，話我用左佢條毛巾，又話我唔肯出街，又話我唔識欣賞咁靚的城市，又話我嫌佢wifi慢。
奇就奇在，我冇用過佢條毛巾，而且好早出去，佢放工我都未返，加上其實佢wifi都幾快，我根本就冇嫌過，佢可能後來知道自己可能send錯，就del左段message，不過我覺得佢真係好假，一走左就打咁大段野，我響度的時候又唔當面同我講，德國人真係奇怪。
建築都唔錯，不過顏色就黑黑地，同其他城市的建築好唔同。
去到教堂坐坐。
聖母教堂，好對稱，所有細節都一絲不苟，但重建完之後都依然好似有種古老的味道。
大教堂，我留意到好似有少量碎裂的痕跡，可能在殘垣之上進行復修。
其實舊城區都幾好行，有好多古老的建築、公園，人流都唔算好多。
行到黎易北河，呢條河似乎仲黑過萊茵河，冇城門河咁靚。
冇進入去，只在門外欣賞。
好型的雕像。
Dresden有個大型廣場，旁邊的樓宇都可以輕易上去拍攝廣場景。
上面都有好多雕像。
每個建築都有好多雕塑。
呢座建築上面有個黑色圓頂。
上面呢度係一個珍寶博物館(綠穹珍寶館)，好似係少數倖免於戰火的博物館，保存許多古代皇室的珍貴金器，可惜不准拍照，又要預約，我預約左行入去睇，又真係金碧輝煌，我覺得未睇過都可以睇下點解古代D貴族咁鍾意用D奇怪器皿去飲野或者做擺設。
咁就行完左Dresden，感覺火車站都幾殘舊，同埋D人態度都係麻麻，搭錯車去左工業區，之後冇比錢就搭返轉頭，好彩冇咩人Check，見到有個德國人上唔到地面火車，勁大力踢個車門，呢度D人可能不及西德咁富有，商場都真係幾頹下，同香港差天共地，不過都算係見識下風土人情，或者西德應該係好D，可惜今次旅行去唔到柏林。
或者自己冇睇得太多東德的書籍，對於易北河一帶的歷史唔係咁清楚，所以對景點都比較陌生，不過本著睇下德國二線城市，都算係一個唔錯的體驗，對於德國的印象亦不只停留在道聽途說的層面。
下篇會去捷克~~
附記，腸仔，好濃味，食完好頸渴，鬼佬食物就係咁。
