離開巴塞，我又繼續我的旅程，下一站係意大利的佛羅倫斯，先去機場。
其實機場都冇咩好食，食個麥記就準備登機。相比起其他城市，其實香港機場算好好，有得充電，其他國家機場係唔會有得差電，空曠的地方只有一本書本陪著我。
諗落，歐洲人都幾慘，沒米線食，沒咩中式小菜，不夠多元，來來去去都是burger，慶幸活在香港。
見到最底有我班機啦。
其實佛羅倫斯都幾細下，機場落機之後搭架車就會去到火車站，之後落車，徒步行15分鐘左右就會到市中心，即係遊客區，之後所有景點都集中在這裡，唔洗再用錢買車票，方便。
好啦，到左落榻的地方，叫做大衛旅館。
其實呢度係一間青年旅館，好多設備都好落後同原始，地板唔知幾耐冇清潔過。
上面個張係我張床，極污糟，但係個鬼佬都仲可以訓到咁，我覺得佢地生命力真係好頑強。
另一面仲顛，物品散落一地，對我黎講完全係貧民窟，我覺得自己都幾嬌生慣養。
用個locker竟然要收我三歐!!
出入要帶鎖匙。當時我心諗算啦，一晚半晚，當係比自己一個磨練。後來夜晚上google睇下呢間旅館，先知道呢間旅館有床蝨，初時我都心諗冇事的，爬上張床訓左陣，但後來都係走返落黎，好怕自己會惹到D床蝨返屋企，到時就唔知點算，最後我坐左響外面梳化一晚，冇入去訓，連個鬼佬訓完走出黎問我做咩唔訓。
我話唔眼訓，其實我不知幾眼訓，等到8點鐘左右職員終於返到，我就同佢講有床蝨啦，佢反應都好冷靜，我心諗佢應該知咩事，佢都好快手咁比返一晚錢我走。之後我去左另一間三星級酒店住，好似返左天堂咁，所有野都好新，訓返教好的。
外國的廁所係比較奇怪，無啦啦廁所旁邊會多左個兜唔知有咩用。
外國D電視節目都好無聊下，我多數都係睇BBC或者CNN，張床都幾舒服，都係一分錢一分貨的。
呢部升降機都幾特別，勁細部，而且要自己開門，升上去個陣都好刺激，好好玩，估唔到咁細間酒店都可以善用地方，用到盡，勁。
好啦，訓覺先，下篇繼續。