訓完覺啦，去學院美術館，正常黎講就要排成個鐘先入到去的，但係由於我差唔多關門先去，所以排隊方面就冇咩人，不過都排左幾個字。
其實，佛羅倫斯最出名的藝術館應該係烏菲茲美術館，但係我反而去左學院美術館，因為時間有限，通埋我唔想浪費太多時間去排隊，所以搵間少人D的地方去行下，睇到更多地方。
最鍾意就係睇雕像啦，栩栩同如生，維肖再加埋維妙。
大衛像，好多人都企埋去影相，其實都幾大座下，唔知米高安哲羅點雕出黎，連血管都睇到，佢應該爬上去好辛苦先雕到。
佢屁股都好圓好大舊。
旁邊展館的雕像都好似真咁，神態各異。
好彩最後臨關門都衝到入去，開心。
想問天問大地的神情。
好似我三妹叫我唔好殺佢咁哈。
細蚊仔周圍跑。
呢間就係最出名的百花大教堂，外型好靚。
而且好大座下，不過我冇入到去，只係響門口企下。
反而花左好多時間響條街行黎行去。
好宏偉，圖案都雕得好靚。
天色好好，又係開心的。
呢個廣場好多餐廳，有得騎木馬。
呢個廣場都好多雕像，不愧係文藝復興的發源地。
後來有班人會著曬軍服演奏音樂，好多遊客都跟住影相。
呢個就係意大利扁意粉，真係遊客區冇好野，唔係我太肚餓我根本唔會食，真心好難食，有一陣奇怪的味道，賣相都麻麻，咁就舊幾兩舊，真係中伏，唯有安慰自己去旅行唔中過伏都唔叫去左。
其他人好似食得好開心，佢好似問我比唔比小費，咁難食我仲點比小費，即刻食完走。
個套軍人步行到呢度就坐低開始演奏，勁!，不過我鍾意小提琴多D。
好似黎左咁耐都未去佛羅倫斯的阿諾河同埋老橋，一陣一於行過去先。