由琉森出發，去Interlaken，再去瀑布鎮Lauterbrunnen，係瑞士少女峰下的一個小鎮，最出名係有好多瀑布，去完城市，係時候去下小鎮探下險，於是選左一個瑞士比入的山區小鎮做目的地。
火車離開市區，慢慢就見到一D小屋，個湖有時候綠色有時藍色，好靚呀，可惜就比較多雲，影出黎未必有咁靚。
望到個藍湖第一下真係嘩左一聲，好靚。
真正童話故事中的小鎮，好童話feel。
得一條路，世外桃源，唔知夜晚會點？可能好黑，不過而家日照時間長就無咩所謂。
隨住地勢升高，慢慢都多雲左，好靜，一個人都冇，唔知D人平時有咩嗜好。
見到一條河，潺潺水流都幾急，幾有趣。
呢度突然間變得天朗氣清，個天又變返藍天，唔知咩事，好明信片feel，爽!!
好啦黎到青年旅舍，不過佢未開，3點正先開，我就放低左行李出去周圍行下，都係同一個感覺，就係好多烏繩，環境都幾乾淨，可能會多左少少昆蟲，所以下次最好帶D驅蟲噴霧。
神瀑，好高流D水落黎，部份化煙，好壯觀。
瀑布鎮其實唔係好大，房屋都係圍住個火車站興建，四周綠草如茵，道路整齊，不過瑞士人唔算特別有禮貌，多數都係遊客居住，佢地渣車都係唔睇人，唔會讓路比人行先。
行到上去山上面，其實幾十級樓梯好快，望到更開揚的景色，極目遠方。
之後走左入去一個山洞，裡面可以通去瀑布的底部，不過比較濕滑，見到有大陸人PK。
我都係抓住扶手上去，好驚跌親，一定好痛，所以行得好慢。
上面都會望到成個鎮的景色。
瀑布底，所以我成面都係水花。
好靚的小鎮，頭先天陰，而家又好似光返少少。
上山途中有個鬼婆比左支行山仗，我心諗佢唔洗用？落左山先見到原來係免費提供，大家用完就放返響度，減少意外機會，都幾好。
落黎會路經一個墳墓，好，等我行去車站個面睇下有咩玩先。
下篇待續。