見時間尚早，一於搭纜車上山睇下雪朗峰。
呢個位上山望到成個小鎮，簡直奇景。
望遠少少個景都好靚，好治癒。
上到黎中途站就抖抖再上。
行出去望一望，其實佢D中途站都要步行一下，難得冇落雨，雖然天陰，行得都幾舒服，不過見其他人都著多左衫，但我心情興奮，所以都唔係好怕凍，反而冇咩人，有種探險的緊張刺激感覺。
呢段又有一條小鄉村，其實呢度D人究竟係以咩維生，同埋佢地D建築材料又係點樣運上山呢？
好啦，繼續纜車上，又望到一片翠綠。
好啦，到左雪朗峰，點解我要影呢樓梯，事緣係有一個家庭一家四人，兩個青年竟然響下面行上黎，嘩顛到呢，我都覺得佢地太勁啦，唔知行左幾耐，上到黎我都拍手同佢地give me five，瑞士人勁，當我地D華人仲響度用纜車慢慢上，佢地竟然選擇行上黎，體能好強，意志力更強，值得尊敬。
上面都係好大霧，而且真係好鬼凍，我出去行左陣都要行返入去暖陣，不過呢度其實主打007取景場地，所以先成為一座觀光名勝的。
又再高D啦，上次就2,100米，今次再高多幾百米，珠穆朗瑪峰幾高呢？8,611米，咁我都上左佢1/3的高度，開心。
呢面又係一條路線，好荒蕪，約隱約現咁都幾得意。
落返山第二日，天氣比起琴日好，於是都影多左相，因為有太陽，山區的空氣係咪好D？我自己又唔多覺，不過太陽就唔算好猛烈，曬得人好舒服，散下步都幾好。
呢個位望到神瀑同埋一D旅遊用品商店，起得好和諧，整齊，又乾淨。
呢面都唔錯，人少少，真係冇咩大陸人，反而多歐洲人，所以想去瑞士山區，可能住響呢度都唔錯，係比較多昆蟲，我諗冬天應該係冰天雪地，相比之下，雪山其實巍峨，但係冇咩野睇，白雪雪一片，可能有冬日氣氛，我覺綠草如茵都唔錯。
陽光燦爛的日子。
青年旅舍的門口，好田園feel。
我呢就訓上面張床的，其實D鬼佬都好亂下，同我一樣，食野我又係買杯麵出去廚房pantry個位睇周星馳一路食，因為大家多數結伴黎，好少自己一個，所以我都唔好意思搵佢地傾計。
呢面都係鬼佬訓，一房有8張床。
呢個位好靚，趁著好天我都去左小鎮唔同地方巡視過。
下篇上少女峰，待續~