今日我發現原來屋企樓下有巴士搭去市區的，於是就試下搭一下巴黎的巴士，交通都幾方便，用返之前買的十張票，火車巴士都通用，搭左半個鐘，沿途望下D景色，慢慢來到巴黎大學的校區，就落左車，呢度附近都好多古建築，加上陽光普照，所以影出黎都幾清楚。
充滿藝術、浪漫氣氛的街道同建築，朝早咁樣行係最舒服的。
到左先賢祠(Pantheon)，羅馬風格，新古典主義，清晨附近冇咩人，加埋藍天白雲，簡直係冇得頂，而家睇返D相都覺得自己好好彩。聽講呢度葬左伏爾泰、盧梭、左拉、雨果等人，位位師父，係附近比較有特色的建築物。
有座教堂，上望，都幾多雕像。
呢座冇記錯好似係法學院之類的建築。
幾座大學建築物之間的大道，之後有打算去Science Po，但係發覺入唔到去，反而呢度大街大巷好易行到，仲隨意任你影相，我覺得遊客黎呢度唔錯，唔洗鬥迫，建築又幾有特色。
行返出去，見到遊客必到的書店，好多人都留影，不過我覺得只係一間普通的書店，有賣英文書，我諗都係比人用黎扮文青打卡用，太多人的關係，我冇點樣停留就走左。
行行下到左巴黎聖母院，側面望就一般，哥德式建築，尖塔，第一時間諗起雨果本書，都係講小毒男。
由於太多人，我企左陣就走左，行左去兩岸中間的橋，呢種景色最好，雖然好曬，但係唔知點解，我覺得又唔算好辛苦，可能因為想去邊度就去邊度，反而冇咩壓力，心裡只有感恩個天咁好太陽，值回票價啦，余光中去個時好似都落大雨，睇唔到日光下巴黎是如此寫意，加上有少少風，基本上同香港的夏天係兩回事。
好靚呀!!!!!抵玩!!
D雲好似畫上去的公仔咁樣。
真係亂影都幾好睇。
網上遊記話巴黎有間雪糕必食，好出名，咁我都專程行左好遠路去買左杯，個個都望住我，心諗呢個人咁奇怪，一個人去旅行，呢D好似唔係普通ICE CREAM，叫GELATO，我覺得冰D涼D，除此以外都冇咩特別。
唔少人響我臨出發之前呢，都勸我去到巴黎，一定要試下Kebab，享受一下窮人恩物，甚至有人話渣住Kebab代表你係窮人，D人唔會打劫你咁話。
我梗係彩佢都有味啦，個樣太核突，而且中東餐廳睇落又好污糟，我怕食完會All，冇廁所就死得，但係又想試下巴黎的地道小食。
終於比我搵到一間賣Crepe的小食店，中文好似叫可麗餅，間小店幾乾淨，我唔識法文，到我叫的時候，我指住前面條友，佢地都知我想要佢地個份，就幫我同老闆講，於是左一份響路邊食，好濃芝士味，而且乾淨又好味，份量都好多下，食完都飽哂，於是我企響路邊食，望住人來人往，唔知幾時再有機會食到巴黎的Crepe呢？
下次黎巴黎，唔洗食Kebab，對自己好D，食番D賣相好睇D的食物仲好啦~~
繼續行，發覺冇咩地方好去，凡爾賽宮太多人去唔到，於是黎左雨果的博物館，雖然好細，但係有冷氣涼涼地又幾舒服，同埋行下古代D巴黎人住的大宅，感覺都幾寧靜。
雨果的人像。
呢張最出名，大家腦裡多數係呢個樣。
外面條路都幾有feel，好多年歷史的長廊。
再行就去到巴士底監獄的紀念柱，其實係一個迴旋處，中間得返一條柱，遠望唔算好壯觀，不過法國大革命的起源，多少都令人有點神往。
其實附近最多係市集、馬路、人車，好熱鬧。
上面張相係巴士底歌劇院，可能剛好有歌劇上演，勁多人排隊，就咁睇都幾有文化氣息，不過文化中心有古典音樂表演個時都係差唔多，我去尖沙咀的時候都好多人，睇黎大家都藝術有種熱愛，唔錯!!