最後一日在英國，打算到南部走走，由於時間有限，所以一早就乘火車到到Brighton，這個旅遊書上著名的渡假聖地，遊人不算太多，但地圖位置是英國的最南部份，這裡是比較著名的海灘，我行了一個圈便離去了，其實這個海灘沒有甚麼特別，但係跳落沙灘個陣擦傷隻手，少少痛。
不算水清沙幼，很多碎石。
吃了一餐簡單的subway後，我行返去Brighton車站附近，很快就找到去Seven sisters的巴士，師兄講過，佢帶三個女友去過這個地方，而且比較少人去，因為交通不便，我發覺其實交通唔算特別困難，巴士亦清楚報站，不過最好還是問一問司機。
到達Seven Sisters國家公園，到處都綠草如茵，不過附近完全冇任何買野飲的地方，幸好訊號接收正常，天氣極曬，幸好有風，所以未中暑，我企左陣，望下Seven Sisters Cliff響地圖咩位置。
睇地圖發覺要行成粒鐘，嘩，咁遠，諗左陣，決定頂硬上，可惜附近一個人都冇，其實我都有少少驚，一陣死左都冇人知，呢個小湖都幾靚。
下面條河係巴士站附近唯一一條小河，有幾隻船，可惜去Seven Sisters唔係呢條路。
好啦正式出發!向著呢條路行，一開始行你係唔會見到任何懸崖的地方，一大片平地，不過一定要繼續行，其實好快會到，因為條路好好行，之後見到一兩個人放狗，仲有兩個韓國女仔，我知自己應該冇行錯路，於是行快D。
呢度係藍湖，個湖係藍色，幾靚。
難得四野無人，影返張相先。
中間路段有幾道閘門，開頭都幾難開，不過見到人地輕易推開之後，我就一口氣行上山，一條斜路，有少少似塔門，行到上黎開始見到少少高處的景色，呢度係我行上去的時候影的，下面沙灘都有人行，不過高處先睇到靚景。
行到上黎啦，見到對面同埋下面個海，一個小沙洲，有遊客響下面行上黎，佢地半條人命，企左響度休息。
佢地望住我，心諗呢條友兩手空空一個人行上黎做咩。
佢地望住我，心諗呢條友兩手空空一個人行上黎做咩。
即刻行去懸崖邊，有少少怕高，影落去。
前方就是Seven Sisters Cliff，有七座主要的白堊斷崖，可惜一般人係唔洗行哂，我個人認為行一兩個已經夠，因為部份路段有危險標示，都係咪玩命，離遠感受一下白色高崖已經有種巍峨的感覺。
上到黎見到唔少人都影呢度影相，我聽到有廣東話、普通話、韓文，呢兩個就係內地人，都響度影下對面懸崖的照片，上面係比下面大風，所以雖然曬，但係好舒服，行上黎雖然用左45分鐘，但係一D都唔辛苦，我只係得一個小袋，冇帶水，其實有少少玩命，來到這裡，最好還是坐坐，望下對面座山，睇下人地影相。
諗起徐佳瑩的《失落沙洲》的幾句寫景的歌詞﹕
「又來到這個港口
沒有原因的拘留
我的心乘著斑駁的輕舟
尋找失落的沙洲
沒有原因的拘留
我的心乘著斑駁的輕舟
尋找失落的沙洲
隨時間的海浪漂流
我用力張開雙手」
我用力張開雙手」
要行過對面崖，其實唔難，有對情侶，男方想行去對面，女方就留響度影相，我一於跟風，跟咗個男仔行過對面，下面就係條路，其實要兜一個小圈，因為前面係懸崖，行唔到過去。
而家睇返，其實條路都幾靚，有少少美感。
行到過黎，發現前面唔比人行，有個路標，話再行有機會有意外，因為草地較少，沙石較多，一陣跣親就滾落崖，我企響呢度望下參觀下，感受下呢個旅遊書聲稱必到的地方，一個天涯海角，其實都冇咩特別，有心去一定去到，交通好發達，一D都唔危險，書中話有唔少黎呢度自殺，我又唔覺有幾危險，睇路就OK。
「又回到這個盡頭
我也想再往前走
只是越看見海闊天空
越遺憾沒有你分享我的感動」
我也想再往前走
只是越看見海闊天空
越遺憾沒有你分享我的感動」
呢度係懸崖，正呀，平行時空的我可能滾左落去都唔定。
好啦，行完，落山之路順暢無比，見到D人行上山，心裡為佢地加油，行上去會覺得好似冇路，只要唔好放棄，好快會一覽眾山小，感受一種大江大海的氣魄。
落返去就搭返黎個架巴士繼續前進，我唔打算返Brighton，因為搵過資料，聲稱有一個必到的小鎮Rye，於是我就搭巴士去Eastbourne，然後轉火車去Rye，英國好正，Miss左班火車，張飛仲可以搭下一架車。
黎到Rye，已經係5-6點，慢慢到黃昏，成個小鎮D人唔知去哂邊，一個人都冇，冇餐廳冇便利店，咩都冇，好彩響Eastbourne火車站買左支野飲，個鎮得幾個細路行行企企，我響個鎮行左一個圈，除左某D屋有D植物幾靚之外，其實都冇咩特別，只係好似流落咗去唔知一個咩地方。
咩人都冇!
有花有薰衣草的門前。
呢個角度望到好多雀仔漫天飛翔，幾壯觀，因為數目幾多下，同埋近海。
有車但係冇人冇餐廳，可能個個都返哂屋企，日頭呢度幾靚，夜晚肯定好恐怖，去完呢度，我開始發覺我對於小鎮的感覺麻麻，都係鍾意發達的香港多點。
好啦，搭返火車返London，返埋今晚，聽日開始就會前往法國巴黎。