普羅旺斯，一個許多文學作品提及的地方，雜誌當中的夢幻國度，許多人渡蜜月的地方，為看薰衣草不惜千里迢迢走來，今日，我將會在這裡遊一日。
由於心情興奮，所以6:34已經醒來，打開窗就見到旭日初升，普羅旺斯的旭日!
梳洗過後就要步行十多分鐘到達城鎮中心的教堂，因為這裡有巴士站去Avignon Centre，可惜巴士班次比較疏落，從相片中看，這裡也幾有仙境的感覺，四周都很靜，居住人口極少，但治安很不錯，大部份都是法國人，沒有其他民族的人，街道乾淨，天朗氣清的感覺。
可惜巴士有少許問題，就是架車只會去Limbert，從手機地圖看，就是圍繞城外走一圈，必須要在城外下車再沿城牆步行5分鐘才可以到達火車站，結果這幾天未去到景點先要行路半小時才可以到達交通工具的地點，也挺辛苦。
假如再給我選擇一次，在Avignon我寧願住Ibis酒店，在火車站上面，不用走那麼遠，簡直是走到城內居民的日常住處寄宿了三天，太貼地了。
上面是教皇城的古城牆，頹垣敗瓦。
來到火車站旁邊的巴士站了，見到一架架巴士，比想像中乾淨，購票是在車上的，所以一定要趕到巴士還沒有開之前到達，否則巴士走了就糟糕，及後幾日由於睇錯巴士時間表，所以也等了半個小時以上，在法國，我學到的東西，就是等待。
但是法國的風光加上旅行的心情本來就不應追追趕趕，所以就等等吧，反正40日的旅行，也不差在等那一個半個小時了。
巴士站治安也不錯。
今日的目的地是Sault，一個盛傳有許多薰衣草的地方，不過睇地圖是一座山城，加上城
呢度係上巴士個刻先買飛，價錢唔算好貴，不過去Sault要先經過Carpentras，Carpentras係一個盛產黑松露的地方，一去旅行就好難遲起身，有種期待，好想在有限的時間睇多少少地方。
去到Carpentras中途站了，這裡很乾淨，植物都修剪得整齊，附近係一個小鎮，人口唔算好多，可能馬鞍山一條村都多人過佢，不過呢度有好多個站，要睇清楚自己係邊個站上車。
既然咁早就坐下等巴士。
呢D就係巴士站牌，其實都好易睇自己要去邊，法國南部的巴士一般都好準時，反而我自己就唔係好準時的人，所以都唔可以掉以輕心。
之前睇朋友話法國南部等巴士等左個幾鐘都冇，我又未有呢種經歷，一般巴士都好易搵好易上，偶爾會見到一兩個華人情侶的身影，或許是渡蜜月吧。
不過天色太好，少不免有點曬。
好啦，前往Sault，是一個在山上的小城，從窗外已經可以望到薰衣草田，有種不真實的感覺。
好野!!上到山上，山上有一個觀景台，我見唔少遊客一來到觀景台都嘩左一聲，因為一望無際的田野同薰衣草，加上天色如此晴朗，難免令人有種不枉此行的感覺。
我上到黎，第一個感覺係小幸運，今日天色竟然如此怡人，雖然太陽好曬，但係唔係香港個種曬，反而有少少微風，冇咩汗，所以點行個身都唔會好局好辛苦。第二個感覺係台灣blogger，冇講錯，的確係有薰衣草。第三個感覺係，如果我想近距離睇薰衣草，可以點呢？
雖然呢度係制空點，可以睇哂成個山下的田景，但其實我都想摸下薰衣草，聞下係咪真係個種香味。
點好？
衝落去啦，但沿路睇只有車路，冇行人路，有的都只係極窄的路，我都唔見有人行落去。
但係，青春就係要顛!一場黎到，唔落去太可惜啦，一於落山!!