由於今日要搭飛機去巴塞，所以早少少出門口，去到機場先記得頭先間酒店有早餐提供，傻仔!冇食到，曬左份早餐。
等緊check in，本來就到我，但大家望上面張相，見到中間有個hand carry冇人拎，於是機場以為係炸彈要停止辦理登機，明明下一個就到到我，可憐呀，於是唯有企響度等下。
呢張相係我排緊隊等機時候影的。
等左陣機場宣佈緊張將所有人撤出機場，於是大家都問緊咩事同埋執緊野出機場。
空姐同地勤都傾緊點做。
持槍軍警開始趕人走，我都要走啦。
大家開始推車出去機場。
臨出機場見到所有野都清空，我有預感我班機會delay，最慘係我要去羅馬轉機去巴塞，如果呢班機delay都唔知點算好。
出到大家都好無奈咁企響度等。
等左幾個字見到有消防車同警車黎，機場人員解釋緊發生咩事。
軍警戒備，可能驚機場爆炸。
門口聚左好多人。
大家都冇哂辦法唯有苦等，等左半個鐘左右機場開返，原來係有人漏拎行李，真係累街坊，搞到大家嚇餐飽，我都覺得應該冇咩事，不過如果有事可能就會死響馬賽機場啦，始終呢度都係恐襲最常發生的城市之一，所以大家一有事疏散都可以理解，不過見到警察同消防其實都駕輕就熟，所以都冇咩兵荒馬亂爭相逃亡咁嚴重。
今次恐襲疑雲都幾刺激，我只想盡快登機，繼續我的亡命之旅!GO!