第二朝一覺醒來就落樓下搭的士去芭提雅，曼谷今日天朗氣清，但係我地選擇去芭提雅。
睇天氣個面落緊大雨，的士司機手車好穩定，勁! 但可惜去到附近已經feel到紅雨的情況，落勁大雨。
睇黎今日都係冇得出海去珊瑚島，我又無咩所謂，反正水上活動我不是非去不可。
芭提雅的酒店$99蚊港幣一晚，好平，但係神奇在係冇熱水的，而且去完廁所要出廳洗手，因為個洗手盆響出面，設施就一般，但係交通都尚算便利。
廁所外可以望到裡面廁所裡面做緊咩，其實呢種設計有咩用呢？
我地放低左行李就馬上搭的士去步行街，本身呢就搵左街日本料理，去到坐低見到原來每張枱都有一個廚師響你面前做鐵板燒，豪華! 但係一打開個價錢牌，痴線，普通二人餐都要$3000蚊泰銖。
二話不說，馬上行出餐廳，雖然好瘀，都無理由搵生命值硬接。
之後去左一間食牛扒的西餐廳，個名叫做Sizzler，任食沙律前菜，我發覺佢個冬陰功湯個味調得幾濃，同埋真係有少少辣，係我第一次響泰國飲到辣的冬陰功，正!
叫左個牛肉漢堡餐，個包都好好味，食到我極飽，連佢地叫的小食都食唔落，同埋價錢都唔算太貴，符合預算，附近都有唔少香港人，值得推介下，日日食泰國菜轉下口味都唔錯。
之後食完野，舒服，就打算沿步行街行下，行埋落芭提雅沙灘。
沙灘勁多碎石，D沙又粗，水亦都好混濁，班細路仲響度玩水，D鬼佬又響度曬太陽，唔明佢地點頂到，香港的浪茄靚過呢度幾百倍，可憐佢地唔知香港有呢個世外桃源。
去過巴塞沙灘、尼斯天使灣，香港浪茄大浪西灣都靚過曬佢地，有時候最美好的景致其實就在身邊，響香港渣幾個字車已經可以到郊外，唔明點解會有人黎呢度渡假。
浪茄:
法國尼斯天使灣:
布吉馬爾代夫應該就靚過香港，但芭提雅海灘真係烏溪沙都不如。
後來真係頂唔順，我地就買左支水沖下隻腳行番上行人路，決定出發去揼骨，上午都Book左，搭左架的士去，去到先發覺原來芭提雅有兩間Healthland，仲記得當年高考聆聽卷係講揀邊間按摩院去，而家就真係親歷奇境。
即刻叫過架的士去book左個間芭提雅，佢話要6點半前到，好彩最後都係遲左一個字。
呢間Healthland，我地4個選左草本按摩，$900泰銖，偉哥就揀左個油壓，千幾蚊。其實草本按摩只不過係普通泰式按摩，不過中間會搵塊布裝D煮熱左的草藥包成一個球響全身碌黎碌去。
按摩師父都傻，唔試下D溫度，熱到傻又碌落黎，我都叫左聲，佢先換左個冇咁熱的草藥包，真係服左佢。
感覺上，好似都係冇上次腳底按摩間店咁舒服，如果要排序，應該第一係Bangkok Healthland, Refresh24，最後先係芭提雅Healthland，唔明點解咁多人排隊，仲要全部滿。
同埋我都係鍾意比人按腳多D，泰國人按摩咁勁，唔知會唔會長命D。人生有呢種享受真係正，不過我最鍾意都係中式按摩，穴位按摩真係鬆曬，泰式按摩按完都冇咩特別感覺。
