第一次從深圳灣口岸過境。
今朝響九龍塘地鐵站上面巴士站搭旅遊巴去深圳灣口岸，$45車費，好平，40分鐘就穿深港西部通道到深圳灣口岸。
深圳灣海面有好多一塊塊板飄浮，天氣都還可以。
到達深圳灣口岸。
旅遊巴好乾淨，過關都冇咩人，好方便，關口設施好新。
好多寫字樓都整齊排列，我地向呢個方向步行。
首先我地行去深圳灣1號，之後穿過寫字樓群去到登良站，途中見到好多有趣的新寫字樓，但好多都仲招商中，所以成個區基本上冇咩人流。
之後我地搭地鐵去左海上世界睇下，發現其實冇咩人流，出乎意料。
附近好多建築依然都係興建中，所以規劃得比較亂。
之後有少少肚餓，就搭左去世界之窗旁邊的益田假日廣場食桂滿隴，由於微訊取票，去到等左一陣就入到去。
先來一壺女兒紅，好飲。
最愛的東坡肉!!
乾鍋花菜，比想像中更加好味，非常開胃，炒得好香。
秘制黑叉燒，真係太好味，上次冇叫到實在可惜，肥叉燒，食完一舊又一舊，滿足呀!
非常少食羊肉，叫侍應起到D肉，我食左一舊，小山羊棒骨，味道都幾特別，但太少肉了。
見旁邊的食客叫，跟!!同侍應解釋了一會她才明白，這味是靈隱素燒鵝，賣相好，點浙江醋後味道更好，幸好朋友叫侍應比浙江醋，否則只食素燒鵝味道冇咁出眾。
上次都有叫的炒米線，我食到有魚香，但係比較難夾起。
小籠包16蚊5個，唔叫對唔住自己，唔算太熱，易入口。
侍應走來送我們一個環保袋，「等風來，也等你」，有詩意。
飯後最好就是飲一杯龍井茶及食個小甜品。
完美的一天。
