請左兩日假去台中走一轉。
機票$869，酒店兩晚$734，都算合理的價錢。
機票$869，酒店兩晚$734，都算合理的價錢。
食完個三哥就上機，到達台中才六點鐘。
可惜搭公車308由機場去酒店用左好多時間，去到已經7:30pm。
下次應該揀機場快車搭，咁樣唔洗迫得咁辛苦。
今次住新驛旅店，比想像中靚好多，所有設施都好新，乾淨!
唯一美中不足係花灑水壓奇低，沖涼個陣冇咩感覺。
放下行李後就在市內行行，先去台中車站，都幾大。
行綠川同埋柳川水岸景觀步道，但係冇咩燈同冇咩人行。
反而行左去宮原眼科，呢座活化建築好古雅，手信多數係朱古力同太陽餅。
宮原的甜品店好多人排隊買雪糕，我去旁邊茶飲店買左杯「閃亮的日子」
其實即係西式茶，味道一般，始終都係津路好飲D。
再行就見到洪瑞珍，香港好出名，我都買左個食，又幾好味，最正係7.5蚊港幣!
香港買三文治都冇可能呢個價，仲要有呢個味道。
繼續無目的的向前行，比我去到中華路夜市。
一個唔算太出名的夜市，想搵間餐廳食晚餐，最後在一間普通餐廳落腳。
餐廳得我一個人，叫左幾款簡單小菜，老闆好友善，合共33蚊港幣，平! 好味道!
間間餐廳都冇咩人，奇怪佢地點樣交租同謀生？這種生活相比香港又輕鬆嗎？
食完就繼續行，行左落去隧道，見到有露宿者，沒有行人，急急離開。
最後行到勤美天地的誠品，就在那裡選書至11點，再搭的士返酒店。
買到想睇的書，開心!
簡單的旅行生活，歲月靜好。沒有恣意狂歡，我只是一個人在一個陌生的地方走一點路。
