其實未去歐洲之前，我仲去左次日本，不過就係同兩個細妹一齊去，可惜買左機票先發覺，原來上機當日要考法律最後一科，司法程序，所以唯有再訂多張機票。
細妹佢地就先搭飛機去酒店訓番一晚可惜，當日考完試即刻返屋企執行李，然後就趕去機場，趁未上機之前食番個酸辣米線，真係好辣，顛!
搭香草航空，幾準時，穩陣，好坐。過關比日本人員叫我打開行李，見到兩支趴地熊球拍，女關員問我做咩，我話同細妹酒店打波玩，佢笑左之後比番我，笑得都幾甜，good morning!
去到關西機場再轉火車去京都，轉緊車個陣太肚餓，買左個飯團食，好味。
雖然成日冇訓，但唔知點解都係覺得好精神，思緒澄明。
等緊火車開。
終於搭到黎京都，當時天光了。
清早搭火車，酒店響琵琶湖，叫琵琶湖酒店，天色好好。
到左酒店我就直行拖行李，行十分鐘就到酒店，後尾先知原來有Shuttle，傻仔!
行到啦。
就係琵琶湖酒店，條路乾淨到痴線。
衝上佢地房，佢地都仲未訓醒，服呀，一打開露台個窗。
痴線，萬里無雲，個景絕呀，呢個價錢唔算貴，但真係好抵住，3人房，好訓，乾淨，而且有無敵大海景，可惜個廁所門比較難關上，要好大力先關到。
即刻向唔同方位影相。
下面仲有一片大草地同埋碼頭。
一幅全景圖。
不忘拎出三妹做比我的心愛連登公仔出黎影相。
好清的天空。晴空萬里，碧海藍天。
亦都自拍一張先，心情大好。
Life is now!希望此行出發會順利啦。
下篇待續~