一早7:55分在Hostel附近的巴士搭C10去Victoria Station外面的車站，9:10分就到了，準備搭巴士Megabus去牛津，由於早預訂，只係一蚊英鎊車費。
巴士唔錯，乾淨、準時，冷氣好勁，我霸左最前面個位坐，旁邊放公仔一齊出發。
10:55就到達牛津了，11點個local tour就出發，我急急腳跑去遊客中心，好彩趕到。
呢個係King’s Chapel，係一座私人教堂，唔係個個都入得黎，要比錢!Local Tour包門票。
呢度就係哈利吃飯取景的位置，其實好細，遊客只能繞一個圈就出來，我不是哈利迷，所以望望就走。
左面係導遊，6月係考試季節，學生要著指定衣服去試場應考，學校傳統來的，導遊捉咗個學生問佢考成點。
佢: surprisingly well! Thank you!
果然霸氣，比著我應該一行清淚行出黎，見人就打。
之前導遊同我講: u know, they may become this country’s leaders someday……
之後佢苦笑一下，睇個表情好似覺得將國家交比呢班人有種隱憂咁，哈。
呢座建築好多旅遊書都有影，但係唔入得，唯有外面影一影，好似圖書館黎。
導遊帶我地去廁所，去左Balliol College的學生活動室，我趁其他人去廁所的時間參觀下，見到呢張相，右下方的少年就係彭定康(Chris Patten)，想當年佢應該雄姿英發，談笑有鴻儒。
由於考緊試，好多書院都係行去門口望下就走，我地只能企響度影下裡面咩樣，有唔少學生tour一齊行，個團得4條友，比較close，聽多D歷史，不過女導遊行得好慢。
相對劍橋，牛津歷史耐D，不過同town centre的local council關係麻麻，比較自成一角，所以寸少少，有D獨立的feel，加上有錢，更加唔洗理人地。
呢度係King’s College。其實報Tour都幾貴，百幾蚊行得兩個鐘，如果自己做research，去拎份地圖，自己行可能會更開心，唔洗行得咁慢，比較flexible。
行到下午，其實都冇咩好行，就食個Burger King之後去等巴士，由於仲有成個鐘，於是行下市中心，佢個市中心好大，有大商場，比劍橋商業化，因為牛津係大少少，最後黎到呢個巴士站等巴士，都仲有半個幾鐘，坐響公園，都幾污糟、殘舊。
而家諗返，點解我當日可以等咁耐都唔燥底？勁!