返到酒店之後，就訓到成夜晚9點先起身，起身之後又好精神。
於是搭公車去左逢甲夜市食野，我覺得逢甲夜市真係好大，正當我買左幾條腸仔同炸蟹食完，以為自己行完之際，先發覺自己行到去夜市起點，裡面仲多野食同埋玩，有個商場係專門有夾公仔，而且路邊好多店舖賣野食同衫褲，開到好夜，行左好耐先勉強行完，但反而冇咩收獲，因為唔知自己到底想買D咩。
於是搭公車去左逢甲夜市食野，我覺得逢甲夜市真係好大，正當我買左幾條腸仔同炸蟹食完，以為自己行完之際，先發覺自己行到去夜市起點，裡面仲多野食同埋玩，有個商場係專門有夾公仔，而且路邊好多店舖賣野食同衫褲，開到好夜，行左好耐先勉強行完，但反而冇咩收獲，因為唔知自己到底想買D咩。
但係望住五光十色的夜市都覺得好有氣氛，比起泰國夜市係多野行，可能多野食的關係，上次去西門町反而冇呢種行極都行唔完的感覺。
之後搭的士返去酒店，其實有諗過揀間近少少的酒店，但係新驛呢間都幾好住同埋又近清境巴士站。第二日訓到好遲先起身，錯過左早餐，今日的行程係亂行!
其實冇咩計劃自己路線，總之就行行下希望去到想去的地方，首先去宮原眼科買左手信先，之後去洪瑞珍買幾個三文治上路，後來搭巴士去市民廣場。
其實冇咩計劃自己路線，總之就行行下希望去到想去的地方，首先去宮原眼科買左手信先，之後去洪瑞珍買幾個三文治上路，後來搭巴士去市民廣場。
市民廣場都幾大，有好多人野餐都同玩，少少Hyde Park的感覺，舒服。
之後我就繼續行啦，見地圖以為草悟道個花園好大，原來好細，而且冇咩草地，所以比較冷清，跟住行左去綠光計畫范特喜文創聚落，呢個住宅群好文青feel，裡面可以好輕易就行到上天台，而且建築被植物纏繞，每個地方都值得影下相，當然店舖的東西比較貴我冇興趣買，但呢種大街小巷好有台灣本土的感覺，跟我在電影看的差不多。加上天氣涼爽，少少夕陽的關係，所以更加舒服，茶飲店、手工藝店，有種巴黎小資格調。
之後我就繼續行去審計368新創聚落，睇網上話假日先開的市集，今日星期六果然有開放，超多人啦。有幾個位置可以居高臨下望到市集的人群，非常熱鬧，好多人影相，木製樓梯同層板好好行，地道情懷的建築，加上綠化做得好好，我都忍唔住買左少少文青製品，店員仲即場幫我印左個袋，方便我帶飯用。
一個人在假日行一個陌生的城市，融入在人群裡，但又唔洗理會其他人，寫意的。
台中學生都會黎呢度影畢業相。
呢兩個文創區都好值得黎，而且距離極近，唔洗搭一大輪車去另一個地方，由於有市集，加上假日，氣氛比起台北松山同華山更加好，而且座落民居顯得更加生活化，冇咩商業味道，一家大小的盡興而歸，同埋佢地小店的植物真係種得好靚，呢種散策充滿生活氣息，令時間都變得慢左，冇左香港個種高談闊論、步履急促的感覺，也沒有首都那種遊客擠擁的感覺。
雖然我唔係咩文青，但呢種風和日麗、簡單的藝術美學，成為左台中的一道文化風景。