澳門吃過的東西，普遍都沒有太深刻的印象，例如蟹黃撈，未吃過前覺得很期待，試過則覺得沒有甚麼特別。土生菜的價錢偏貴，但其實只是一般西餐水平，重點是我不太喜歡馬介休，即葡式咸魚，味道平平。
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
北上消費篇 - 卓悅中心一樂食堂
在本地一個多月振興消費之後又再次回到深圳消費。
先去按摩店，記得上次按摩還要給小費，78蚊加20蚊小費，這次按得不錯，一入即有位，冷氣也幾正常，但係埋單收費不再要求圈小費，而是直接收取88蚊人民幣，公平，也不會尷尬，這個安排非常好，值得再去，諗起朋友係東方園仲要比小費，小費等於我呢間按一個鐘，就覺得呢度都唔錯。
之後我地行在去卓悅中心拎飛等食一樂食堂，太太想食好耐，之後周圍行，原來卓悅中心開左KKV x X11潮玩集合，係一間好多精品賣的店，好似figure博物館咁，但係最特別係竟然有生活用品賣，我成功買到想買好耐既浸腳湯包，另外買左個薄荷盆栽種子返公司種。
之後去食一樂食堂，我地叫左兩個tacos，三文魚tacos唔錯，但金槍魚係我太太叫既，但叫完佢又話唔太好食，食開三文魚就淨係識食三文魚既太太，之後上既係我既咖哩蛋包飯，高級版銀咖哩，太太既芝士瀑布一根面，盆邊用生牛肉圍住再鋪滿芝士，中間係忌廉加麵，麵底係一大條麵，白布烏冬個款麵，千層麵質地，太太彈到成面都係，食食下就覺得好溜，中伏呀，最後食唔曬，杯菠蘿氣泡水不錯，太太意見係呢間餐廳不值得再去，不過都算係我地第一間係內地食既日本菜，壽司tacos都不錯的我覺得。
之後我地就去左一間店叫話梅，係一間超大型的美妝店，入面香水化妝品洗頭水品牌全部都係名牌，店內水管設計係幾好既，有D新意，但貨品擺到好似散貨場咁，不過都吸引好多後生行既，我覺得最大問題係在於佢D產品價錢牌唔明顯，同埋唔知個樣究竟係咩產品，冇咩標籤，由於品牌太多，完全係分唔到邊個係好D，唯有係睇價錢，但樣樣價錢都好似差唔多，例如我唔知LOEWE同CELINE邊款好D，可能真係得女仔先知，而且大部份產品都冇得試，變相香水我都唔知咩味，要買左黎用先知，所以我諗緊佢之後究竟生唔生存到。
行完商場，我到去返大街步行去皇庭廣場，中間經過次元小鎮，好正既一個地方，有好多後生仔cosplay，勁多精品野賣，我諗九展執左之後香港應該唔會再有一個商場比cosplayer交流，呢個商場係幾有特色，跟住我地去盒馬買返之前覺得抵買又好食既野，超級多港人，然後去落馬洲試下搭小巴去皇巴站，之後行返去富泰車場拎車走，原來日泊100蚊，我覺得方便過泊元朗，因為上車就可以直接渣返屋企，而且比平時早一個鐘到屋企，正!
點解同一張相，我太太影得靚過我影多？唔公平。
.jpeg)
《香港旅行》
6月之後大部份時間也在香港旅行，去過的地方
1. 參觀香港街市，去了大埔墟街市、荃灣街市，兩個都沒有太多人流。
2. 荃灣川龍街很多人，大埔廣福街的街市人流也很多，楊屋道是買海鮮的好地方。
3. 平日去開同益街市。
4. 到了Southside商場參觀，人流和商店數目都不多，感覺像是工廠區中間的一座商場。
5. 參觀了屯門的龍門居，宵夜不是特別好吃，性價比不高，難泊車。
6. 到屯門的盈豐商場及豐連一帶發掘食店，感覺像小葵廣。
7. 新樓商場參觀了Uhill的Silicon Lane及NovoWalk，有點類似，反而#Lyos附近冇咩配套。
8. 藍地同往皇后山邨我自己都係第一次去，感覺好似去異地旅行咁，當然仲有深井，假日感覺，其實我地只係去759買食材然後就離開。
9. 當然仲有去新北江同wetland食下野，不停在屯元天荃灣逛。
10. 尋晚去左荔景既華景山莊參觀，的確係好高，同埋咩都冇，好冷清的一個屋苑，冇巴士，諗緊D人點樣返工出入。
《繁樓VS香港酒樓》
根據我對於兩地飲茶的了解，內地茶位平過香港一半，燒賣大粒好味D，同時乾炒牛河平一半，粉果係香港好食D，脆皮腸內地的紅米做得不錯，鳳爪其實香港食會平D好食D，但內地份量會多D，艇仔粥香港好似足料少少，會落D豬皮，叉燒包內地唔算平太多，但唔好食，醬汁出事，乳鴿感覺上內地好食少少，價錢可能貴過香港，但大陸由於免加一，整體黎講都係平香港30%。
至於呢30%，即係大約90蚊，每人30蚊，其實搭上深圳灣都要來回20蚊，連埋內地的士錢分分鐘仲貴過香港，如果唔搭的士可能都打個和，但除左貪平貴以外，了解下兩地物價差異同埋味道上高低都不失為假日一件趣事，盲目話是但一面好都未必啱曬。
比我下次，都係寧願比貴少少食香港有質素酒樓同外父飲茶。
.jpeg)
深圳食泰式火鍋樂卅市集
Coco Park食泰式火鍋樂卅市集，二人套餐折後286蚊人民幣，有牛肉、蝦、雞、午餐肉、檬粉、娃娃菜、豆腐、冬陰功湯底及檸茶2杯，相比之下，香港沙田新城市廣場四面泰食以上所有食物需要720蚊港幣，而泰金鍋火鍋放題則需要480蚊港幣，果然深圳食晚餐扣除車費還是比香港便宜，而且食材新鮮，服務態度好，幫你剝蝦殼，唔洗排隊，二人坐4人位，非常舒服。
.jpeg)
《人生吃過的薩利亞》
在日本、香港及深圳吃過薩利亞，三地價錢以香港最貴，165蚊，日本需要大約122蚊，至於深圳只需要80蚊就可以吃到，以深圳的最豐盛，有1個燉飯，1個意粉，1個薄餅，1杯飲品，1個腸仔拼盤，日本的也不算特別好吃，三地的口味其實差不多，感覺上日本會比較衛生一點，事實上三個地方吃完後也沒有肚瀉的情況。
最近幾次北上吃的東西: 辣可可、大汗串燒、小柴米、fufuland
最近幾次到福田深圳灣吃東西，分別吃了辣可可$168.31，小柴米$190.02及大汗碳烤羊腿店$253。Fufuland甜品則一般。
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
《惠州汕尾旅行有感》
惠州汕尾之旅，租住民宿先明白點解大陸D樓咁平，雖然係海景豪宅，但附近咩配套都冇，幾十層高，但Lift得3部仲要層層停。
十里銀灘，雙月灣，𢁉寮灣，大陸既高速，海豐縣部份地方繁華過汕尾市，縣唔一定弱過市，市只係行政管理上的一個單位，好鍾意睇市同縣係行政管理上既對決，佛山順德就是好例子。
感覺上，西面有珠海佛山中山廣州，呢面城市帶發展得都幾完善，東面地多，但係相對上大城市就冇咩，但呢個係香港中心論，以香港作為世界中心去睇世界，團結香港基金論述係講西強東弱。
但假如由大灣區視角出發，其實發展係東強西弱，東面深圳香港強，西面江門珠海比較弱，所以大陸流行講東強西弱。
輕旅行有趣的地方在於觀察周邊城市的變化，難怪有學者話，決定世界格局的不是國家，而是城市，繼續同太太一齊觀世界。
2月去完花蓮宜蘭，尋日地震特別有感世事無常，宜蘭的山水，就是告五人創作的靈感。
訂閱：
文章 (Atom)