台灣菜好吃嗎？

去過台灣旅行的人都說去吃東西，但去完又覺得沒有吃到太多美味的東西。

大多是麵線，像鼻涕一樣的冬粉，然後街邊小吃也沒有特別，例如三星蔥，絕對很少讓人想吃第二次，西餐也只是普通質素。Cafe的意粉特別難吃，也不知道是如何煮的。火鍋跟串燒也沒有太多驚喜，像跟我家附近的餐廳差不多。最奇怪的是魚丸湯，幾粒魚丸加湯也可以成為一道菜。

網民: 台灣夜市的食物只是香港葵廣、旺中質素，直指「雖然平，但真係好鬼難食」？

台灣人投票最難食的是淡水阿給、台南棺材板、台中大麵羹。

加拿大約克大學副教授沈榮欽分享一份國際調查，指出台灣菜在全球食物排名中，僅排第17名。

以12月底公布的2023/2024年最新排名來說，前6名依序為義大利、日本、希臘、葡萄牙、中國、印尼，而台灣則排在78名，與亞塞拜然、烏拉圭同分，僅比衣索比亞高0.01分，時常被認為是「美食沙漠」的英格蘭，甚至高居第39名。

以TasteAtlas最新貼文中的地圖來看，日本、中國、韓國分別拿下4.65、4.59、4.46分，越南、馬來西亞、菲律賓分別也有4.44、4.36與4.35分，甚至斯里蘭卡、愛沙尼亞、卡達、澳洲等國的分數，都比台灣的3.96分高。

澳門吃過的東西

澳門吃過的東西，普遍都沒有太深刻的印象，例如蟹黃撈，未吃過前覺得很期待，試過則覺得沒有甚麼特別。土生菜的價錢偏貴，但其實只是一般西餐水平，重點是我不太喜歡馬介休，即葡式咸魚，味道平平。

 

北上消費篇 - 卓悅中心一樂食堂

在本地一個多月振興消費之後又再次回到深圳消費。

先去按摩店，記得上次按摩還要給小費，78蚊加20蚊小費，這次按得不錯，一入即有位，冷氣也幾正常，但係埋單收費不再要求圈小費，而是直接收取88蚊人民幣，公平，也不會尷尬，這個安排非常好，值得再去，諗起朋友係東方園仲要比小費，小費等於我呢間按一個鐘，就覺得呢度都唔錯。

之後我地行在去卓悅中心拎飛等食一樂食堂，太太想食好耐，之後周圍行，原來卓悅中心開左KKV x X11潮玩集合，係一間好多精品賣的店，好似figure博物館咁，但係最特別係竟然有生活用品賣，我成功買到想買好耐既浸腳湯包，另外買左個薄荷盆栽種子返公司種。

之後去食一樂食堂，我地叫左兩個tacos，三文魚tacos唔錯，但金槍魚係我太太叫既，但叫完佢又話唔太好食，食開三文魚就淨係識食三文魚既太太，之後上既係我既咖哩蛋包飯，高級版銀咖哩，太太既芝士瀑布一根面，盆邊用生牛肉圍住再鋪滿芝士，中間係忌廉加麵，麵底係一大條麵，白布烏冬個款麵，千層麵質地，太太彈到成面都係，食食下就覺得好溜，中伏呀，最後食唔曬，杯菠蘿氣泡水不錯，太太意見係呢間餐廳不值得再去，不過都算係我地第一間係內地食既日本菜，壽司tacos都不錯的我覺得。

之後我地就去左一間店叫話梅，係一間超大型的美妝店，入面香水化妝品洗頭水品牌全部都係名牌，店內水管設計係幾好既，有D新意，但貨品擺到好似散貨場咁，不過都吸引好多後生行既，我覺得最大問題係在於佢D產品價錢牌唔明顯，同埋唔知個樣究竟係咩產品，冇咩標籤，由於品牌太多，完全係分唔到邊個係好D，唯有係睇價錢，但樣樣價錢都好似差唔多，例如我唔知LOEWE同CELINE邊款好D，可能真係得女仔先知，而且大部份產品都冇得試，變相香水我都唔知咩味，要買左黎用先知，所以我諗緊佢之後究竟生唔生存到。

行完商場，我到去返大街步行去皇庭廣場，中間經過次元小鎮，好正既一個地方，有好多後生仔cosplay，勁多精品野賣，我諗九展執左之後香港應該唔會再有一個商場比cosplayer交流，呢個商場係幾有特色，跟住我地去盒馬買返之前覺得抵買又好食既野，超級多港人，然後去落馬洲試下搭小巴去皇巴站，之後行返去富泰車場拎車走，原來日泊100蚊，我覺得方便過泊元朗，因為上車就可以直接渣返屋企，而且比平時早一個鐘到屋企，正!

點解同一張相，我太太影得靚過我影多？唔公平。

《香港旅行》

6月之後大部份時間也在香港旅行，去過的地方

1. 參觀香港街市，去了大埔墟街市、荃灣街市，兩個都沒有太多人流。

2. 荃灣川龍街很多人，大埔廣福街的街市人流也很多，楊屋道是買海鮮的好地方。

3. 平日去開同益街市。

4. 到了Southside商場參觀，人流和商店數目都不多，感覺像是工廠區中間的一座商場。

5. 參觀了屯門的龍門居，宵夜不是特別好吃，性價比不高，難泊車。

6. 到屯門的盈豐商場及豐連一帶發掘食店，感覺像小葵廣。

7. 新樓商場參觀了Uhill的Silicon Lane及NovoWalk，有點類似，反而#Lyos附近冇咩配套。

8. 藍地同往皇后山邨我自己都係第一次去，感覺好似去異地旅行咁，當然仲有深井，假日感覺，其實我地只係去759買食材然後就離開。

9. 當然仲有去新北江同wetland食下野，不停在屯元天荃灣逛。

10. 尋晚去左荔景既華景山莊參觀，的確係好高，同埋咩都冇，好冷清的一個屋苑，冇巴士，諗緊D人點樣返工出入。

《繁樓VS香港酒樓》

根據我對於兩地飲茶的了解，內地茶位平過香港一半，燒賣大粒好味D，同時乾炒牛河平一半，粉果係香港好食D，脆皮腸內地的紅米做得不錯，鳳爪其實香港食會平D好食D，但內地份量會多D，艇仔粥香港好似足料少少，會落D豬皮，叉燒包內地唔算平太多，但唔好食，醬汁出事，乳鴿感覺上內地好食少少，價錢可能貴過香港，但大陸由於免加一，整體黎講都係平香港30%。

至於呢30%，即係大約90蚊，每人30蚊，其實搭上深圳灣都要來回20蚊，連埋內地的士錢分分鐘仲貴過香港，如果唔搭的士可能都打個和，但除左貪平貴以外，了解下兩地物價差異同埋味道上高低都不失為假日一件趣事，盲目話是但一面好都未必啱曬。

比我下次，都係寧願比貴少少食香港有質素酒樓同外父飲茶。

《元朗及沙田物價比較》

同樣的食物，沙田好運中心Taste金妹牌腸仔48.9，元朗只是35蚊。同一包無激素雞扒元朗賣60蚊，但沙田Taste賣$72.9，貴很多。