今朝一起身就渣車去8鄉入油
之後去元朗工業邨搵車房換返左邊車頭燈之前燒左一直都未換
然後就渣去中檢2期準備港車北上驗車
去到係冇人理既
我泊好架車入去櫃台
職員都幾友善，幫我申請左過海關既智易通
仲幫我貼上架車
可惜去到櫃台先發現原來港車北上係先抽中簽
然後先拎架車去驗
我一路仲以為係要先驗車後申請大陸車牌
然後先可以去抽簽，掉轉曬d次序
而呢度淨係做到港車北上既驗車
普通車子一年一檢續牌費係做唔到
要去中檢1期先得
我馬上渣去中檢1期，
預約電話打唔通，我都唔知渣去邊，是但跟其他車排
結果排左去中港車檢查條隊，
佢問我新領定續牌我話兩樣都唔係
亦唔係港車北上，佢話我混吉叫我走，
跟住我是但泊低左入去登記處再問
原來有即日排隊的，但要比585蚊，就係呢度!
可惜我身上又冇現金
唯有渣車去朗屏站樓下泊低，跑去恒生櫃員機禁錢
之後拎車渣返去中檢1期交費排隊驗車
係門口外面睇住一架架車上架檢驗，
職員淨係同我講叫我掉低條鎖匙係車入面
我都係求其泊低左，完全唔知咩事就照做。
呢度驗車係唔會同你講幾時下一架，或者下一架係邊架
佢地隨心自己就行過去渣架車上架檢查
我等左大約半個鐘多d先到我架車上架
後座被拆開，因為自己買左個座椅套，
大約3個字就驗完車，渣返出黎
我就入返房等報告，佢叫我車牌我就去拎返收據同埋一張驗車紙
成功通過檢驗，唔洗靠車房自己都可以驗車成功
費用只係585蚊。
之前馬上渣去機場接機，半路落大雨，
去到機場去個廁所先，然後先渣去沙田再去馬鞍山。
之後再返公司繼續工作，完成上午一連串的任務。
