今日去鹽田梓藝術節，鹽田梓係西貢附近一個小島，搭船可到，今日架船竟然有樓上可以坐。
坐上去，完全冇救生圈，欄杆亦都好矮，基本上就係船頂，睇落去好似遊艇，食風食到應一應，但好爽。
到達鹽田梓，好多天主教藝術的作品，村屋就比較舊，感受到樸素的村落風味。
有幾間廢屋，我地都入去望下。
上到高處見到一間教堂，鹽田梓聖若瑟小堂，於1890年落成，修複得好好，睇落好乾淨好新。
見到唔少藝術品，幾有趣。
一直沿路探索下鹽田梓，行得好輕鬆。
去到鹽田，真係見到鹽，多到可以堆成一座小山，幾有意思。
幾座小鹽山。
之後去到一條小橋，應該係一條堤壩，好多遊客都在此拍照留影。
之後誤入滘西洲高爾夫球場，好大片草地，但係用作高爾夫球太浪費，如果可以容許遊人席地而坐就更好。
再來到我覺得最有意思的一座廢墟建築，呢座聖福若瑟居所旁的舊聖堂建於1870年，如今只剩下一幅破牆，變成古蹟供遊人懷緬。
頹垣上掛住聖像。
遠看石牆同周邊林木合而為一，幾壯觀，有少少似電子遊戲的秘境場景。
行了半天，到餐廳發現好多菜已售罄，只剩下這味蚵仔蛋，送一碗飯也不錯，結束今天的旅程。