今日決定行麻雀嶺，聽講都幾難，所以出發前心情都係麻麻，唔係好鍾意個種畏高的感覺。
我地首先搭去上水，然後再搭小巴去上麻雀嶺村，落車之後見到個阿伯都係上山，睇佢冇咩裝備又好似唔多識路，於是就教下佢點行，之後佢就行先過我地。
麻雀嶺村呢面都算係比較多草的山，所以一開始行都好輕鬆。
行上200米都只係用咗幾個字，好輕鬆，右面回頭望已經見到沙頭角海，好靚，似乎只係麻雀嶺村呢面先望到咁靚的景色，上次行蓮麻坑沒有山海相繆呢道風景。
之後就慢慢沿小路上山，聽講遲下紅花嶺會起郊野公園，如果係就好啦。根據漁護署的文件，建議的遠足徑會以紅花嶺及紅花寨兩座高山為中心，接駁4個主要出入口，分別是蓮麻坑、禾徑山路、塘肚坪村及山咀。
臨上山頂一段路真係比較斜同埋高，我有少少驚，於是都坐低咗一陣適應一下個高度，望落去係少少危險，因為d泥路總係有種令人不安，怕滑落去的感覺。之後怕多幾步原來已經係山頂，成件事都係好快。
一上到紅花山山頂，就會見到前面雞公山個頂，迤邐山勢，旁歧斜出，不過我地冇行去，只在這面攝景照相。
呢度就係望落去頭先爬上來的山路，攀石而上，上來180度無敵大海景。
沙頭角海好綠，可能天氣好，可以望埋遠處的小島。浩蕩連嶂的青弧翠脊交疊於天際。
望落去上麻雀嶺村，我覺得有少少似瑞士瀑布鎮，因為瑞士山區都係山谷下有條小村，村落都係綠草如茵，唔錯，有少少似童話故事。
好清清咁望見沙頭角建築物。
沙頭角海的黛綠套著邃青山脈。
其實今次此行目的係為欣賞吊鐘花，剛好又係紅色，我查過紅花山的由來係有關紅花會反清復明故事，另一意思係山上紅杜鵑，但我覺得吊鐘花更加好睇同貼切紅花山之名。相傳蓮麻坑係因為有蓮麻，即係山橙，沿路見到幾朵白花，似乎就係山橙的花。
沿小路一路睇下有冇吊鐘花。
之前順便行去蓮麻坑礦洞睇下，其實唔難落去，但礦洞已封，純粹行了一個圈就離開。
呢個角度影過去有少少似心形。
最後山路遠望見到上次行蓮麻坑的一段密林及參差交疊的側峰橫嶺。淺青翠綠的脊線起起伏伏，自圍成一個天地。
最鍾意由蓮麻坑村出番黎，因為部份路段係禁區，所以要行上山遊繩出去，雖然峰迴嶺轉，山路崎嶇，但呢段路d繩好穩，所以我行得都好快，好舒服，出去之後搭返小巴去上水完結今次的旅程。