今次行雞公嶺,行過兩次大刀屻覺得尚可以應付,今次向西邊探索一下。
向上行天色清明,但向後望又見到一片迷濛,行走一會已經感受到地勢峭立。
龍脈左蟠右蜿,一股莽莽蒼蒼,這算瘦脊割天嗎?
上到山又發現天色明朗,見到藍天白雲同一大片芒草群,大部份路段都係泥路,難度不高,但隨著地勢上升,有幾十米覺得腳底泥沙比較鬆散,而且冇平地,漸生恐懼,感覺畏途巉巖不可攀,生怕失足滾下去無止盡,但見其他登山客輕易向上疾走,自愧不如。
我的方法是走一段坐一會,不向下望,頃刻腳震少不免,但最後都順利登頂。
一個又一個山峰,雞公最特別係許多幼幼的泥路,好像電單車劃出的道路,群山並舉,極目可望見元朗錦田及深圳的城市景色。
微風輕拂,由於登山後烈日當空,熱得我也要脫下衛衣,穿短袖衫繼續前行。
上到第一個山頂後,基本上都是沿著山脊行走就可以,一個山峰比一個高,有些山峰上山路段比較斜,但基本上都很安全,太高太斜時可以停下來,坐在地上休息一會再出發就可以。
羅天頂嗎?雞公山頂?只見光復香港的標語,慰勞一眾登山客。
好靚的山路,少少似麥田怪圈的紋路。
剪得好乾淨整齊,可能因為2019年1月初的山火而導致樹木零落盡去。
遠望可見深圳城市那面上空不少污染物,景物迷濛。
山腳下錦田村落都若隱若現。
天空反而澄藍奪目。
少許崎嶇不平的山路,每次都要因取道而抉擇,慎防山石滑腳。
最後落山道路極其輕鬆,沒有上山的陡勢,出嘉道理農場就可以搭乘公交離開。