到達博多之後就去搭JR去其他地方，將行李鎖在博多駅locker，之後上錯左由布院之森，原來要預約，我冇預約，唯有上去望望再落返黎。
之後就搭巴士去太宰府，再行上去天滿宮神社。
人唔算太多。
去到稻荷大神社得幾個人，所以行得幾舒服，四周都係樹林。
最頂呢舊大石下面的神明唔知係咩。
行完之後就落返黎等列車返去天神西鐵站。
之後就搭巴士去福岡海購城瑪麗諾亞OUTLET，發覺原來冇野買，d品牌一係就貴唔抵買，再唔係就同香港差唔多，所以空手而回。
等巴士去福岡outlet。
冇咩好行。
行左一陣天神地下購物街，冇咩特別啱買的東西。
搭返車去天神站。去到天神站就去左藥妝店買藥妝，買完就再行去10蚊店買野，之後再參加抽獎，中左3獎多¥100。
大約5點左右就搵路去天神駅去博多，原來天神駅係地鐵站，之後搭福岡空港線，點知搭左另一條分叉線去左箱崎，搭返轉頭，申洲轉去博多，搵左好耐都搵唔到個locker，原來我鎖左響個站裡面的locker，之後喪訓去到行橋，佢架JR比較特別，去到小倉會停一停，然後掉返轉頭行，之後到左行橋。
排隊預約聽朝搭由布院之森，行橋好處係冇咩人，唔洗響博多大排長龍，之後買炸雞，去酒店，酒店距離比佐賀遠好多，附近有間百貨好早就關左門，另外有間勁大間藥妝店，又係鬼影都冇，得我一個夜晚晚仲去行。我買多左少少野，附近冇民居，所以冷清，唔明兩間店點樣生存。
另外晚餐食一人燒肉，店名叫做太田，佐賀和牛同伊那之雞，唐揚雞好滑，配highball一流，和牛更加係極好味，佢幫我燒唔洗我自己亂黎，上次東京自己燒得一般，浪費左，今次正好多，好享受個種言語不通的感覺，唔洗理人地傾咩，得我一個人的和牛店。大把時間，自己一個人旅行就係可以6:30起床，以碎片式睡眠補充體力。
返到酒店之後出面開始打風，部份地區仲要停電，飛機都要停飛，幸好今日交通好暢順，行橋附近勁早就熄曬燈，猶如死城，住宅都係咁，返黎的時候我都要行昏暗小巷，酒店單人房唔算大家但擺位一絕，全部野都唔會頂到。
