響張長椅度訓醒就即刻去沖涼浸多次溫泉然後離開，之後拎住d行李搭幾個站就到左有明華盛頓，發覺由地鐵站行去大約6－8分鐘左右，直行轉彎就係，都幾方便。
可惜電話冇咩電，又要比100圓充一充，後來上到酒店房，我發覺電視機有usb位可以沖電，正！原來呢度有直去機場巴士，我走係經羽田機場，黎東京就係成田，聽晚可以book定巴士直去機場節省時間。
我覺得酒店有陣霉味，可能都比較舊同埋平，但就可以接受的，放低左行李就直接搭車去玩啦，又係撞正人地返工，可憐，迫地鐵！
之後就搭返地鐵出市區，海鷗線好好風景，而且係架空，可以望曬周邊高樓大廈同埋海，唔錯。
之後再轉車去上野，由上野出去行左一陣就到左阿美橫丁，聽講返賣平野，但由於太早，好多店都未開門，我都係走馬看花咁睇下，未有d咩想買，因為唔想一早就渣住咁多野。
阿美橫丁都幾短，一條街仔，有書包袋賣，但冇咩想賣，之後又落雨，於是我就入左御徒町車站旁邊的uniqlo參觀一下，見到有火影忍者t shirt，同埋有人搶緊的kaws t shirt，但其實我覺得設計都幾核突。
佢限定每人每款每隻色只可以買一件，仲有人定時會拎手提袋出黎賣，話得番最後一件，但係又可以keep住拎出黎，令到大家情緒高漲，之後響其他見到的uniqlo反而冇咩人搶，奇怪。我自己買左3件t shirt，發現香港買好似仲平，99蚊港幣一件的。
之後落左去地底的吉池百貨參觀，買左幾個杯麵同埋一支甘酒，唔知甘酒係咩，所以一定要買黎試下，一試發覺係類似阿華田的味道，好奇怪，唔覺得有酒的成份，而且奇怪得黎係唔好飲，中左伏。
行到累，所以搵左間拉麵試下，呢間係一間橫濱口味的拉麵，叫横浜家系ラーメン 壱角家 御徒町駅前店，我發覺呢度叫拉麵係會送埋一碗白飯，第一次見會送埋飯，飽到傻，普通麵質，d麵好粗，湯都好濃，自己覺得比較奇怪，但試下無壞，始終譚仔好味d。
食完野之後就決定去東京博物館。