去完河口湖，本身打算去山中湖，西湖同埋其他地方觀光，但係又覺得河口湖嘅景色已經係最靚，所以決定放棄，改道去山中湖同河口湖之間的忍野八海，先於河口湖買少量手信，之後再搭6號車去山中湖。
忍野八海好似幾個湧泉組成的觀光景點，由於我落早左，所以成條路一個人都冇，唯有睇地圖行去忍野村，中間響lawson食左雞扒同買左支茶就繼續行，沿路都好猛太陽，考驗忍耐力。終於到左忍野村入口。
忍野村有好靚的山景同庭園景色，但行入去就發現勁多遊客。裡面有幾個湧泉，其實係睇唔到湧出黎嘅泉水，不過五顏六色泉水係幾靚
。d人話可以影到逆富士，即係湖中倒影的富士山，我試左好幾個湖都唔得，可能要特定的天氣先可以辦到。
池底睇落唔算好深。但泉水有咩特別呢？這些池水都是降落於富士山高地的積雪與雨水，經過富士山長年累月的過濾後累積在地底下的水，有的過濾時間甚至超過20年，因此水質清澈剔透，由呢8個池中湧出。
呢個池就好深，有點奇幻。
呢個係好出名的景點，因為富士山雪水會流到落黎呢到，我用買茶個樽斟左少少飲，好凍，普通水的味道，聽講放隻手落去30秒會凍僵，我放左陣又真係幾凍下，好清涼。
呢個池底有好多魚同埋海草，有d仲係淺綠色都幾靚。
好碧綠青翠的海草，都要池水夠清先可以見得到。
之後繼續行入去見到淺間神社，都幾靜，冇咩人，望下d建築都幾寫意，順便曬左咁耐抖下涼先。咩係淺間呢？其實就係火神，即係富士山，係對山神的信仰，另一個意思就係指拜水神，其實都係因為以前富士山係火山，所以d人怕左佢，希望祈求平安。
另一個池， 睇到倒影見到藍天白雲。
呢間屋就正，完全倒映成一幅畫，仲見到有人畫畫，對住個富士山畫畫真係奢侈，羨慕佢。
行到最入之後就出返黎，其實本身係預左一日時間玩富士山，仲book左一間河口湖的青年旅舍，180蚊，但而家時間大約1點，即係仲有成大半日有多要在郊野遊歷？
行左成朝，突然想去其他地方，本身有考慮過去箱根，但來回車程都要3個幾鐘，去到都天黑，御殿場我又冇咩要買，另外我仲book左第二日河口湖車站的巴士票，所以要諗辦法點樣解決問題。
我企左響巴士，諗緊搭咩車，剛好最快係有一班返河口湖的巴士。
既來之則安之，今次旅行冇咩計劃過，睇下個天想我去邊就去邊，於是我就上左河口湖的巴士，由忍野八海返去河口湖車站，落車個陣比司機鬧，因為我唔記得左上車拍卡，一般遊客都係買一日放題搭巴士的套票，但我就真係去到邊搭到邊，所以搭得太多次就真係貴，但係咁又幾刺激，之後我都記得要上車拍卡。
