成功啦，我到左河口湖站之後就去櫃台問可唔可以買多張車票，跟住我提起其實我買左張聽日的巴士票，但而家想提早返東京，職員好友善咁話可以幫我改車票，之後仲話2點鐘有班巴士準備開出。今次提早走只係放棄左青年旅舍一晚酒店，我馬上email同佢地講今晚唔去住了。
我一行出河口湖站就急步去拎行李，之後行左幾步就見到巴士準備開，我剛好上到，冇浪費到任何時間就踏上返東京的路程，原來河口湖半日多少少已經可以遊完，睇黎搭第一班去河口湖的巴士呢個決定係正確的。
而我亦都由於凌晨4點起左身，一上巴士就訓左，日本司機渣車好穩定，比人一種好舒服的感覺，我訓到傻左，醒返就到東京新宿站啦。
到左新宿我就將行李放左響locker，之後輕裝上陣，周圍遊歷。
決定去明治神宮走一回，原來明治神宮d路都幾長，好闊下，散步真係正，樹蔭又高又密，完全唔會比陽光曬到。
日本最大的木製鳥居。明治神宮供奉明治天皇，諗起以前讀西史讀明治維新時候都幾開心，一個欣欣向榮的年代。那年夏天。
好正。按照日本的傳統說法，踏着石頭走路會讓人身心清凈，但我都係鍾意行旁邊，冇咁多沙石。
遊客唔算太多，但神宮裡面唔比影相，所以都係影外面。
難得地唔算太多人，可能快要關門吧。我有冇祈求d咩呢？冇，每次去親唔同地方的廟宇，都覺得自己生活幾正常，冇咩好祈求，反正，可以去旅行黎到呢到，某程度上已經係一種祝福。
我自己就跟住佢參拜路線行，都幾長下，兜左個圈先出得返黎。