《富士山下．東京之旅一早比一世遙遠》

第二朝一早我就行左去新宿準備搭巴士去河口湖。

大約8點幾左右就到達河口湖，預早咗 好多。周圍行下，發現都幾多巴士，但係冇一架觀光巴士開，因為9點先開始有第一班。

河口湖位置可以遠望富士山，之後我就決定搭河口湖觀光巴士，冇睇到有咩站，一直搭到尾站，我發現尾站先係風光最靚的地方。

尾站有一大片花田，有薰衣草同唔同種類花朵，而且可以直望富士山，仲有河口湖，真係好靚。

鋪得好靚的一條路，由於太早，所以成條路都係我，任我行，曬得黎唔算太熱。

繼續向前行就愈黎愈少人，可以去再遠一點的地方影相，見到有日本人釣魚。

向前行會到達一片石灘。

咁先值得買張機票黎睇，如果落雨就太可惜，睇到曬成個富士山，真係靚到好似一幅畫咁。

可惜大約去到10點左右就行完，之後就搭返車去河口湖站，再諗下之後去邊。

諗起陳奕迅的《富士山下》，可惜呢度完全冇雪，亦都冇攔路雨。