大約8點幾左右就到達河口湖,預早咗 好多。周圍行下,發現都幾多巴士,但係冇一架觀光巴士開,因為9點先開始有第一班。
尾站有一大片花田,有薰衣草同唔同種類花朵,而且可以直望富士山,仲有河口湖,真係好靚。
鋪得好靚的一條路,由於太早,所以成條路都係我,任我行,曬得黎唔算太熱。
繼續向前行就愈黎愈少人,可以去再遠一點的地方影相,見到有日本人釣魚。
向前行會到達一片石灘。
咁先值得買張機票黎睇,如果落雨就太可惜,睇到曬成個富士山,真係靚到好似一幅畫咁。
可惜大約去到10點左右就行完,之後就搭返車去河口湖站,再諗下之後去邊。
諗起陳奕迅的《富士山下》,可惜呢度完全冇雪,亦都冇攔路雨。