今次就同細妹一齊行大帽山，一早我地由荃錦公路大帽山個入口行上去，沿路都幾輕鬆易行，因為行麥徑第8段。
呢條路線比起上次好，因為比較多影相位，可以影下山下面的景色，沿路有不少平台可以駐足遠望，爬上幾塊石頭影相，雖然我本身畏高，但係d石頭好大塊，都幾安全。
之後行出大帽山路，再沿路行上山，見到有牛群。
大帽山路的盤蜿幾壯觀。即使再看都未覺厭倦。好快又上到天文台，抖左陣就決定行返梧桐寨落去。
由於梧桐寨唔係麥徑範圍，所以山路的確比較崎嶇，我上次行上去又冇咩感覺，今次行落去個陣見到有警察同埋一群行山人士落山，當時心諗可能係迷路，但見到個軍裝拎住個書包，之後見到個鬼佬。
佢同我地講，我先知原來山下面發生左意外，好似仲有人死左，都唔知係咩位，唯有繼續行，我妹落山冇咩經驗，所以原本好短的路程用左好耐先行完，但完成左係滿足嘅。
去到散髮瀑我扯左佢過去，因為中間有流水同石頭，費事留咁耐危險，之後去到主瀑前有棵大樹倒塌頂住條路，要捐過去，最後到左主瀑我地就響瀑底前石頭坐下。
當時見到石旁有d衫褲，就講點解d人咁冇公德心留低d衫褲，後來先知原來係死者響散髮瀑上面跌左落黎遺留的衣物。時間都唔早，得返我地三個，於是沿路行返落去都見唔到太多人，好彩天黑之前都落到山，穿返條村就出番去林錦公路。
行山都係小心為上，影相其實都係幾次。