由千鳥居行返去搭地鐵去六本木。六本木都係大江戶線，所以返新宿都係同一條線幾個站，所以都幾方便，之前網上買左一張飛去六本木之丘睇東京夜景。到左之後見到六本木有好多寫字樓同大商場，似係甲廈集中地，離遠都可以望到東京鐵塔。
排左好耐隊，一去到發現原來所有人都上網買左飛，但係都要排櫃台拎飛，所以買飛其實係多餘，多人都打曬蛇餅，冷氣唔凍，好焗促，排左3個字多d就可以上去。
呢張就係六本木新城摩天大樓 (Roppongi Hills skyscraper) ，仲連埋森美術館門票，但我發現原來係動畫製作公司皮克斯動畫工作室（Pixar）的展覽，我冇咩興趣，就直接去睇夜景。
由六本木之丘望落去，見到東京樓景同埋鐵塔，雖然鐵塔高過巴黎鐵塔，但遠望其實冇咩震撼的感覺，反而覺得上次響巴黎鐵塔頂震撼好多，可能因為身邊樓比較矮，東京樓好多都比較高，但夜景相比香港亦遜色一點。
未感覺到有百萬夜景的氣勢，可能要去長崎，北海道先有。
諗起梁靜茹的《會呼吸的痛》：
在東京鐵塔 第一次眺望
看燈火模仿 墜落的星光
我終於到達 但卻更悲傷
落返黎我就行去搭地鐵走，途中見到有日本白領響街邊小巷小便，原來日本人都會做呢d行為，奇妙，同法國見到景象差不多，由麻布十番搭返大江戶線返新宿。