請左兩日假同外父去汕尾旅行。一齊泊係新廖叔，然後過關，之後就搭去會展中心，再係往皇庭中心拎車，今次渣既係大眾既Lavida，一開始渣煞車唔係特別順暢，而且要用鎖匙開車，匙孔冇燈，夜晚好難睇，不過馬力就正正常常，加速都順暢既，但太太話呢架車座位坐得唔舒服，但真係幾平，百幾蚊租兩日，仲平過上次渣Corolla。
第一站: 風車島
之後我地就出發渣去風車島，中間係霞涌停左陣，見到有個人車頭撞左埋駁位。上返車就直去風車島，風車島係汕尾一個旅遊區，成個島總共有5座風車，遊客可以渣到去風車下面停低影相。我地第一站入風車島就選擇左去風車島最美海灣，原來又係叫雙月灣，但原來仲係未開，滿地泥濘，未係好適宜逗留，好快上返車繼續向下一站出發。
我地去左風車島另一面既淺水灣，入面有得付費泊車，我地去左睇下，落住微微雨，我見到海灘有個心型打卡位，同埋一條海上步道既棧橋通往海裡，盡頭有個打卡位，沿住條橋可以睇到海灘入面真係有D魚毛，水質應該唔錯，原來呢度有行峉里風，之後我地上返車，走的路上見到一堆獅頭鵝衝左出馬路散步。
.jpeg)
.jpeg)
第一餐午餐: 徐記大排檔
少少肚餓，於是我地就渣返出去遮浪鎮食午餐，但發現好多店都落場，我地係徐記大排檔食午餐，泊係人地村入面既爛地，見到有活雞走黎走去，難得有開，但食完發現好貴，應該劏遊客，因為唔算特別好食。
我地叫左扇貝12隻、芙蓉蛋蠔餅、海鮮炒米粉、勝瓜馬鮫魚丸、爆炒吊桶仔、尖椒炒牛肉、海膽炒飯合共7道菜，當中我覺得炒米粉不錯，扇貝1打12隻68蚊抵食，吊桶仔得好少唔抵，海膽炒飯的海膽其實冇咩味，而且炒得比較濕，我鍾意乾身，馬鮫魚丸是媽媽食物的味道，怕了，而且58蚊實在太貴了，總共475蚊，我覺得下次我不會再叫海膽之類的炒飯，同時將吊桶仔換作其他海鮮，炒牛肉也不需要在海鮮店吃，但這個價錢在香港應該要1倍以上，所以即使心有不甘，其實還是不太差，不知道自己可不可以辦到。太太指出一點很重點，那些扇貝都要痴著貝的，不同那些已經皮肉分離的，算是貨真價實吧。
.jpeg)
散步遮浪街道
阿姨帶我們在遮浪的街道走走，地面不平，房屋也很舊，我們隨她到了一間水果店，外父買了一種不知名的水果，即場切開，還加了秘製醬汁，我吃了一塊，感覺像咸檸七的味道，他們吃得很滋味，但我見衛生情況惡劣，還是不吃為妙，因為那些醬汁就這樣放在一旁，料理用具也是髒灰灰的。到了遮浪的特產店，阿姨買了一些餅類的東西，眼見店家就我面前搓麵團，可惜我不太喜歡這些傳統小食。
.jpeg)
.jpeg)
我們回到車上，出發往民宿，到達金町灣玥海公寓，花了一點時間才進到房間，原以為太太找了一所像上次半月灣的房間，但這一間房有無邊際海景，只是400多元，值回票價，房內的木質風格裝修我也滿意，床的衛生理想，唯一是廁所的衛生平平但尚可接受，不明白為甚麼門附近會有所抽油煙機，但完全沒有煮食爐，不知道有甚麼用途，露台遠望汕尾大帽山的景色，幾寫意，拍了一會兒照片。
.jpeg)
.jpeg)
我們渣車到二馬路晚餐，大約半小時左右，第一次我是渣進二馬路，發現人車爭路，沿路有無數小食檔，繁華比宜蘭台北更甚，也比佛山的夜生活更燦爛。在附近泊車，然後我們步行進去，先到特產店走走，然後我肚餓了，就請太太買了一包菜包果，然後再買薄餅坐下來4個人吃，我們買了兩款，冷熱同吃，味道不錯，但我比較喜歡熱食的薄餅。太太買左杯楊枝甘露及炒酸奶。
.jpeg)
.jpeg)
之後我地渣返去民宿附近晚餐，行左鯨灣小鎮旁邊的汕尾特色街但好多已關門，唯有去食砂煲粥，我地食一間名叫富祥的粥店，叫了中份皮蛋瘦肉粥，再加上鐵板青椒魷魚，比中午的要美味，可惜芥蘭未係時節，外父話比較老，粥就幾好味，生滾的感覺很滿足，潮汕的粥是比較多水的，吃完就上房休息。
.jpeg)
翌日離開酒店後就到大馬路附近的海珍迎喜皇宮飲茶，叫了12個點心及甜品，價錢只是154元，簡直驚為天人，食物質素很高，當中竟然有我媽煮的薑醋蛋，甜醋的運用實在精彩，美味得令人感動，另外粉果菜包果亦出色，油豆腐也好吃，其他的則水準正常，是最滿意的一餐，大家都非常快樂。
之後我們買了一杯茶飲，然後出發巽寮灣，在紅樹台停下，有天后宮嶺南民俗文化街但人跡罕至，有種周莊同里的感覺，於是改到巽寮的沙灘去，在博海路街泊然後參觀定海神錨，之後我們參加快艇團參觀附近的美人魚島、烏龜島及海鷗島，可惜海鷗島沒有海鷗，有種被騙的感覺，費用是150元，但有快艇的刺激感也算不錯。上車之後我們未定主意是否到大鵬半島或者深圳天文台，最後一口氣由巽寮灣渣到去萬象前海食同仁四季椰子雞，然後到皇庭中心還車過關返香港。
.jpeg)
.jpeg)
.jpeg)
.jpeg)
.jpeg)
