今日我地去欣澳行山，出欣澳就要搵路上山，我地橫跨了好幾條馬路都未搵到上山入口，後來兜轉之下終於去到山邊入口，要經過兩條天橋底部一片大石屎地。
行上樓梯之後回望頭先走過的路。
前面係兩條高速公路橋底的一大片石屎地，靠右一條通道可以登山。
前方上樓梯右轉會見到登山入口。
上山通道比較狹窄，只有草叢中間一條小路，但是非常安全，亦不用爆林，穿過林中小路之後會上到第一座標距柱。
往下望會見到公路。
有一小段山路係直上，由於天氣比較熱同埋我穿著長袖衣服，所以行得比較吃力同慢，之後山路會變得開揚大家步伐變得輕鬆，座山基本上難度不大。
沿路都可以望到山下景物。
可以望到北大嶼山公路。
到達第二個標距柱，可能犁壁山，但冇寫到咩名。
右邊方向望過去會見到迪欣湖同埋竹篙灣發電廠。
再遠望會見到迪士尼同後面的空地，亦即係政府決定將於竹篙灣興建的檢疫隔離中心。
遠方翠綠山景。
落山的路非常輕鬆，而且呢座山人跡罕至，難度不大，值得一去。
山路明顯。
呢度可以防火帶，明顯係少好多樹同草，可能用來隔開山火，所以修剪得好整齊。
再行就可以見到終點愉景灣，望落來好開揚，可以睇曬成個半島。
而且好近住宅。
下山途中呢一度係最危險，因為旁邊係大斜坡，所以要行得好小心先可以確保安全。
回望返頭先行過來的危險路段。
落山過程尚算輕鬆。
落到愉景灣了，出口係住宅的後山入口。結束行山路段，接下來參觀一下愉景灣。
玻璃白教堂，在海濱白教堂舉行證婚儀式，租用一小時 $39,888。
鐘樓，許多建築都類近歐洲小鎮風格，路面都好乾淨，遊人不多，幾好行的一個假日小鎮。
低密度住宅排列得幾靚，發現樓價有平有貴，但其實分層呎價都唔算太貴。
仲有一個好靚好闊的沙灘，渡假一流，住愉景灣酒店一晚要1000元，作為渡假之選平過迪士尼。