上次去到白腊村我地就完結行程，今次決定由白腊村繼續餘下的路段，目的地是大蛇灣。進入西貢時發今日多了很多遊客，可能受疫情影響而改為去郊外遊玩，我地行山選擇的路線比較偏門，所以沒有受到佢地影響。
糧船灣有四條村落，其中白臘村已有超過200年歷史，向海一面有東丫、北丫與沙橋三村。
糧船灣有四條村落，其中白臘村已有超過200年歷史，向海一面有東丫、北丫與沙橋三村。
行過白腊村的海灘，之後我地靠右行上山，山路都幾陡峭，上到半路去返修整過的路，原來白腊村有路可以上山，不用爆林 ，我都奇怪點解要行到咁斜先上到山，前方路段不太明顯。
遠望白腊灣沙灘，好靚。白腊係一條有三百年歷史之劉氏客家村落，有左青龍壁及右白虎的風水村落，我的確見到左面有坐唔係好高但好闊的山，可能係青龍壁。
再向前行就見到東丫村，比村民老點兜左個大圈先去到白虎山方向，呢座山遠望好似一隻老虎的背面。不過行左好耐都唔係密林路，覺得比較辛苦，所以決定放棄上山，見到白虎山下面有一處平地，於是決定去休整一下。
呢處平地係白虎山舊村遺址，見到有水塘殘留的建築，呢片平地面積好大，但只有兩隻牛食緊草，向前行會見到白虎山同埋下面石灘，懸崖邊景色非常震撼。
見到兩名行士人士執緊垃圾，呢片草地幾好坐，形狀似梯田，但比較多垃圾，唔知係咪海面沖上去，數量都幾誇張，好難執得曬。
望向大海。
山下石灘。
之後落番山行去北丫，呢度沙灘經沖積出來的形狀獨特，延伸到好出，一潮漲就會淹沒至剩下一小個島。
之後會見到糧船灣天后宮，我地向大蛇灣村方向行，大約20-30分鐘左右簡單山路就到達，由於人跡罕至，沿路要開少少林，但山路都明顯，冇咩上落，難度不大，亦不用花費太多體力。
原來糧船灣研究起新碼頭，2021年展開，2023年完成。
糧船灣附去大蛇灣的山路入口。
大蛇灣村相傳有蛇廟，及後想改建渡假村但係失敗，去到只係得返少量廢墟，網上新聞話有恐怖動物擺設，其實得幾隻，建築完全冇恐怖感覺，反而天朗氣清，遠望有隻遊艇停泊海面。
我坐碼頭附近休息一下，雲層好美，呢段路好輕鬆又出返去，結束今日之旅。