第二朝一覺醒來發覺死啦，已經12點，原來係以為7點醒繼續遊一日上海，點知太好訓遲曬，唯有即刻爬起身，叫司機幫我地拎d行李上車，我地自己就打的極速觀光。
俊宏坐前面，馬上搭的。
第一站1933老場坊，其實係上海公共租界工部局宰牲場，好似係文青必到，於是過去睇下，其實冇咩店，係d通道幾特別，比較舊，據說係《小時代》取景之地，但其實我冇睇過小時代。
d樓梯同石屎係幾特別。
睇左幾個字極速搵的士，可惜冇，於是唯有不斷搵，最後上到車去田子坊。
好大的一個遊客商業區，幾乎間間店都賣差唔多物品，扇子，雪花膏，波鞋，冇咩特色，錯過左都會在下一間店見到，所以冇咩樂趣可言，又多人，擠迫，搵個位食下野先。
我叫左個上海菜飯，油油的，味道都不錯。
酸奶，味道同乳酪差唔多，唔敢飲太多，一陣搭車肚痛就死得。
之前趕的士去最後一站城隍廟，完全係痴線，每個地方停一陣，都已經兩點幾，因為飛機7點幾起飛，我地一定要6點半前到杭州蕭山機場，但2點幾都仲響上海遊覽，一陣公路塞車就死啦，仲要落落地雨，好危險！
多人到傻的城隍廟，每個建築都係虛假的，表面一座中式建築，其實係賣糕點或餐廳，完全同戶外商場冇咩分別。
見到沈大成的糕點，買一個黎試下，垃圾，冇咩味。
最後見到有賣酒店，試左一兩杯，發覺千里飄香竹葉青好鬼勁，所以我只買一瓶十年女兒紅，返到香港發覺好味過日本買的清酒，奇怪。
等緊司機渣架車黎接我地趕去杭州，可惜佢又唔識路，比佢玩死。
一上到車即刻喪訓，唔理趕唔趕到，一於訓飽佢，趕唔到都冇返，最後架車成功趕到機場，慢慢排隊check in，完全左我地兩日近乎瘋狂的旅程，好多失誤，意外發生，成功撞過最兇猛的怨靈，搵錯酒店，訓過龍，大部份食物都係難食，感受一下新中國的混亂。
返到屋企試飲女兒紅，好飲！