九龍城街市

今日同太太去觀塘傾傢私，然後竟然冇人抄牌，之後仲係九龍城街市門口有咪錶位，所以有時間落車行下。

去到一間義香豆品，預計明年初結業，據聞有手磨荳品，但太太話冇咩特別，我買左碗仔翅，竟然有10蚊碗仔翅，仲要好足料，有紅腸同金菇，同埋唔算好結，做到翅既質感，反而之前龍門居落太多生粉勁結，唔係太好味。

之後見到李輝記牛欄，仲見到愛回家明星排隊光顧，然後仲有間陳記豆品，據聞手打蝦滑都好出名但我地冇買，下次打邊爐可以試下，知道九龍城有咩街市檔出名都係一個唔錯的週末體驗。