由元朗工業邨出發，經盛屋村入口，想去睇每年5月及10月開花的鳳眼藍。
沿途都是單程路，半路已經有架大貨車在前方割草，等左陣慢慢靠近，工人們叫我地即管揸前去玩，出奇地友善，於是我地繼續前行，路況顛簸，需要以緩慢車速前進。
今年的鳳眼藍只係開左好少，但開揚的漁塘景加上遠方髻山加上天水圍住宅群睇得好舒服。
天空湛藍如洗，晴空萬里，5年前也試過踩單車到豐樂圍的漁塘，遇上惡犬，幸好有村民用鐵鏈驅趕惡犬，今次路上完全沒有其他小動物，可能天氣炎熱，遠足人士不多。
車子靠近藍色漁塘行駛，可以近距離觀察漁塘，池水波光粼粼，漣漪若有若無，太太說景色不俗，走完一條長路之後就折返元朗買餸歸家。
可靠的車子，這個地方我一直都想再去，特別是和太太去，如今夙願已了，香港從此再無非去不可的打卡地點。